Tollywood : అగ్ర హీరోయిన్‌ అను ఇమ్మాన్యుయేల్, యువ కథానాయకుడు శివ కందుకూరి జోడీగా కొత్త చిత్రం ప్రారంభమైంది. ప్రముఖ ఛాయాగ్రాహకుడు ఐ. ఆండ్రూ బాబు దర్శకత్వం వహిస్తున్న ఈ చిత్రాన్ని లండన్‌ గణేష్, డా. ప్రవీణ్‌ రెడ్డి వూట్ల సంయుక్తంగా నిర్మిస్తున్నారు. ఆద్యంతం ఉత్కంఠ రేకెత్తిస్తూ సాగే థ్రిల్లర్‌ కథతో రూపొందుతున్న ఈ చిత్రం ప్రస్తుతం లండన్‌లోని అద్భుతమైన లొకేషన్లలో చిత్రీకరణ జరుపుకుంటోంది. త్వరలోనే సినిమా పేరును ప్రకటించనున్నట్లు చిత్రబృందం తెలిపింది.
వైవా హర్ష, వెన్నెల కిశోర్, ఎస్. నివాసిని, షకలక శంకర్, మహేంద్ర, రెడిన్‌ కింగ్‌స్లీ తదితరులు కీలక పాత్రలు పోషిస్తున్నారు. ప్రముఖ సంగీత దర్శకుడు అనూప్‌ రూబెన్స్ ఈ చిత్రానికి సంగీతం అందిస్తుండగా, కోటగిరి వెంకటేశ్వరరావు కూర్పు బాధ్యతలు నిర్వహిస్తున్నారు. లండన్‌ నేపథ్యంలో రూపొందుతున్న ఈ చిత్రం అంతర్జాతీయ ప్రమాణాలతో తెరకెక్కుతున్నట్లు తెలుస్తోంది.
