బాలీవుడ్ రాక్ స్టార్ రణబీర్ కపూర్, సందీప్ రెడ్డి వంగా కాంబో మూవీ ‘యానిమల్’. ఈ సినిమా ట్రైలర్ రిలీజ్ అయిన దగ్గరనుంచి.. వస్తున్న ఎలాంటి వార్తైనా తెగ ట్రెండింగ్ లో నిలుస్తోంది. వాటిలో ముఖ్యంగా సూపర్ స్టార్ మహేశ్ బాబు కు సంబంధించిన వార్తొకటి. ఈ సినిమా కథను సందీప్ మొదట మహేశ్‌బాబు కు చెప్పాడని.. కాకపోతే అది ప్రారంభంకాలేదని గత కొన్నిరోజుల నుంచి వార్తలు వస్తున్నాయి. వాటిపై సందీప్ రియాక్ట్ అయ్యాడు. అందులో ఎలాంటి నిజం లేదన్నాడు. మహేశ్‌బాబుకు ‘డెవిల్’ అనే కథ చెప్పాను. ‘యానిమల్’ కథ కాదు. కాకపోతే రెండు కథలూ కాస్త ఒకేలా ఉంటాయి. ‘యానిమల్’లో చూసిన దాని కంటే డెవిల్ లో మరింత ఎక్కువ హింస ఉంటుంది. కాకపోతే మా ఇద్దరి కాంబో కుదరలేదు’’ అని సందీప్ క్లారిటీ ఇచ్చాడు.
