Pawan Kalyan : టాలీవుడ్‌లో యాంకర్‌గా, నటిగా, డాన్సర్‌గా సత్తా చాటుతున్న అనసూయ భరద్వాజ్ తాజాగా పవన్ కళ్యాణ్‌తో కలిసి డ్యాన్స్ చేసిన విషయాన్ని వెల్లడించింది. ఒక టీవీ షోలో ఈ విషయాన్ని చెప్పడంతో సోషల్ మీడియాలో ఈ వార్త వైరల్‌గా మారింది. గతంలో త్రివిక్రమ్ శ్రీనివాస్ దర్శకత్వంలో వచ్చిన ‘అత్తారింటికి దారేది’ సినిమాలో పవన్ కళ్యాణ్‌తో ఐటెం సాంగ్ చేసే అవకాశాన్ని తిరస్కరించిన సంఘటన తెలిసిందే. అయితే, తాజాగా పవన్ కళ్యాణ్‌తో డ్యాన్స్ చేసిన విషయాన్ని చెప్పడంతో అభిమానులు ఆసక్తిగా ఉన్నారు.
పవన్ కళ్యాణ్ ప్రస్తుతం ‘ఓజీ’, ‘హరిహర వీరమల్లు’, ‘ఉస్తాద్ భగత్ సింగ్’ అనే మూడు సినిమాల్లో నటిస్తున్నారు. ఈ మూడు సినిమాల్లో ఏ సినిమాలో అనసూయ డ్యాన్స్ చేసిందన్నది ఇప్పుడు ప్రశ్నార్థకంగా మారింది. చారిత్రక చిత్రమైన ‘హరిహర వీరమల్లు’లో డ్యాన్స్ సాంగ్ ఉండే అవకాశం తక్కువ. కాబట్టి, ‘ఓజీ’ సినిమాలోనే అనసూయ డ్యాన్స్ చేసి ఉండొచ్చనే అంచనాలు వ్యక్తమవుతున్నాయి.
అయితే, అనసూయ పవన్ కళ్యాణ్‌తో చేసిన డ్యాన్స్ నంబర్ ఎలా ఉంటుంది, ఈ జోడి ఎంత అద్భుతంగా కనిపిస్తుంది అనేది తెలియాలంటే సినిమా విడుదలయ్యే వరకు వేచి ఉండాల్సిందే.
