Kalki 2898AD : ప్రభాస్ నటించిన ‘కల్కి 2898’ చిత్ర యూనిట్ రీసెంట్ గా హైదరాబాద్‌లోని రామోజీ ఫిల్మ్ సిటీలో జరిగిన ఈవెంట్‌లో కస్టమ్ మేడ్ కారు ‘బుజ్జి’ని ఆవిష్కరించింది. గతంలో, నాగ్ అశ్విన్ తన టీమ్‌తో ఫ్యూచరిస్టిక్ వాహనాన్ని రూపొందించడానికి ఆనంద్ మహీంద్రా సహాయం కోరగా, ఆయన అంగీకరించారు. ఇప్పుడు ప్రత్యేక వాహనం లాంఛనోత్సవం జరిగిన సందర్భంగా, ఆ వ్యాపారవేత్త నాగ్ అశ్విన్ మరియు ఆయన టీమ్‌పై ప్రశంసల వర్షం కురిపించారు.
“X లో నిజంగా ఫన్ స్టఫ్ జరుగుతుంది” అని ఆనంద్ మహీంద్రా రాసుకొచ్చారు. “గొప్పగా ఆలోచించడానికి వెనుకాడని నాగ్ అశ్విన్ మరియు ఆయన సినిమా నిర్మాణ బృందంపై మాకు చాలా గర్వంగా ఉంది… నిజంగానే చాలా గొప్పగా ఆలోచిస్తారు. చెన్నైలోని మహీంద్రా రీసెర్చ్ వ్యాలీలోని మా టీమ్, పవర్‌ట్రైన్ కాన్ఫిగరేషన్, ఆర్కిటెక్చర్ మరియు పనితీరును అనుకరించడం ద్వారా ఫ్యూచరిస్టిక్ వాహనానికి కల్కి 2898 టీమ్ దృష్టిని సాకారం చేయడానికి సహాయం చేసింది. అని తెలిపారు.
ఈ సందర్భంగా, సోషల్ మీడియాలో ‘బుజ్జి’ ప్రత్యేక గ్లింప్స్ వీడియో ని కూడా విడుదల చేశారు. దీనికి భారీగా రెస్పాన్స్ వస్తోంది. చిత్రం జూన్ 27వ తేదీన విడుదలకు సిద్ధమవుతోంది. ఈ చిత్రంలో దీపికా పదుకొణె, కమల్ హాసన్, అమితాబ్ బచ్చన్ మరియు దిశా పటానీ కీలక పాత్రలు పోషిస్తున్నారు.
