అల్లు అర్జున్ నటిస్తున్న పుష్ప 2: ది రూల్, ఈ సంవత్సరం మోస్ట్ అవెయిటింగ్ ఫిల్మ్ అని నిస్సందేహంగా చెప్పవచ్చు. మేకర్స్ అందిస్తున్న ప్రతి అప్టేట్ తో ఫ్యాన్స్ లో ఉత్సాహం పెరుగుతోంది. మొదటి భాగం, పుష్ప: ది రైజ్ – పార్ట్ 01, దేశవ్యాప్తంగా దుమ్ము రేపేసింది. ఫలితంగా సీక్వెల్‌పై అంచనాలు అంబరాన్ని అంటాయి. దీంతో పుష్ప 2 కు సంబంధించిన ప్రతీ అంశంలోనూ మేకర్స్ స్పెషల్ కేర్ తీసుకుంటున్నారు.
ఈ నేపథ్యంలో పుష్ప 2: ది రూల్ మూవీని బెంగాలీలో విడుదల చేయడానికి రెడీ అవుతున్నారు . ఆ భాషలో విడుదలైన మొదటి పాన్-ఇండియన్ చిత్రం గా పుష్ప 2 ప్రత్యేకతను చాటుకోబోతోంది. సాధారణంగా, పాన్-ఇండియా సినిమాలు, ఇప్పటి వరకు, హిందీ, తమిళం, తెలుగు, కన్నడ మరియు మలయాళం అనే ఐదు భాషల్లో విడుదలయ్యేవి. పుష్ప 2: ది రూల్ భారతదేశంలోని ఆరు భాషల్లో విడుదల కానున్నందున ఈ రికార్డును బద్దలు కొట్టింది. ఈ విషయాన్ని ప్రముఖ మ్యూజిక్ కంపోజర్ దేవి శ్రీ ప్రసాద్ ధృవీకరించారు.
రీసెంట్ గా ఇచ్చిన ఒక ఇంటర్వ్యూలో దేవీ శ్రీ మాట్లాడుతూ.. పుష్ప మొదటి భాగం ముగిసిన చోట నుండి కథ కొనసాగుతుంది. గత భాగంలో సౌండ్‌ట్రాక్‌కి భిన్నంగా ఏదైనా చేయడానికి ప్రయత్నిస్తున్నాం. “ఈసారి బెంగాలీలో సినిమా చేస్తున్నాం కాబట్టి ఆరు భాషల్లో కసరత్తు చేయాల్సి వచ్చింది. నేను పాటలను రూపొందించడానికి రెండు నెలల కంటే ఎక్కువ సమయం పట్టింది, ఎందుకంటే నేను ప్రతి భాషకు చెందిన సాహిత్యకారులతో కూర్చోవలసి వచ్చింది అని దేవీ శ్రీ చెప్పాడు.
పుష్ప 2: ది రూల్ నిర్మాతలు ఇటీవల నీటి అడుగున భారీ సన్నివేశాన్ని చిత్రీకరించారు. రీసెంట్ గా ఈ సినిమా పోలిష్ సినిమాటోగ్రాఫర్ మిరోస్లా బ్రోజెక్ ఈ చిత్రం సెట్స్ నుండి ఇన్‌స్టాగ్రామ్‌లో ఒక ఆసక్తికరమైన చిత్రాన్ని అప్‌లోడ్ చేశారు. ఒక అభిమాని “మీరు బోట్ సీక్వెన్స్ తీస్తున్నారా?” అని అడిగినప్పుడు, అతను “అండర్ వాటర్” అని బదులిచ్చాడు. పుష్ప 2: ది రూల్ ఆగస్ట్ 15, 2024 థియేటర్స్ లో భారీగా విడుదల కాబోతోంది.
