ANR 100 : ఈ సందర్భంగా ఆయనను స్మరించుకుంటూ.. ఫిల్మ్ హెరిటేజ్ ఫౌండేషన్ ‘ANR 100 – కింగ్ ఆఫ్ ది సిల్వర్ స్క్రీన్’ అనే పేరుతో ఘనమైన చలన చిత్రోత్సవం నిర్వహిస్తున్నది. ఈ ఉత్సవం దేశవ్యాప్తంగా 25 నగరాల్లో సెప్టెంబర్ 20 నుండి 22 వరకు జరుగుతుంది. హైదరాబాద్, ముంబై, ఢిల్లీ, చెన్నై, బెంగళూరు వంటి మెట్రో నగరాలతో పాటు వరంగల్, కాకినాడ, తుమకూరు వంటి చిన్న నగరాలలో కూడా ఈ ఉత్సవం జరుగుతుంది.
ఈ ఉత్సవంలో అక్కినేని నాగేశ్వరరావు నటించిన క్లాసిక్ చిత్రాలను ప్రదర్శిస్తారు. ‘దేవదాసు’, ‘మిస్సమ్మ’, ‘మాయాబజార్’, ‘భార్య భర్తలు’, ‘గుండమ్మ కథ’, ‘డాక్టర్ చక్రవర్తి’, ‘సుడిగుండాలు’, ‘ప్రేమ్ నగర్’, ‘ప్రేమాభిషేకం’, ‘మనం’ వంటి చిత్రాలు ఈ ఉత్సవంలో ప్రదర్శించబడనున్నాయి.
ఈ ఉత్సవం ద్వారా సినీ ప్రేమికులు అక్కినేని నాగేశ్వరరావు అద్భుతమైన నటనా ప్రతిభను మరోసారి వెండితెరపై చూసే అవకాశం లభిస్తుంది. అక్కినేని నాగేశ్వరరావు కుటుంబం, NFDC (నేషనల్ ఫిల్మ్ ఆర్కైవ్ ఆఫ్ ఇండియా) మరియు PVR-Inox వంటి సంస్థలు ఈ ఉత్సవాన్ని నిర్వహించడంలో సహకరిస్తున్నాయి. అక్కినేని నాగేశ్వరరావు తెలుగు సినిమా రంగంలో ఒక లెజెండ్. ఆయన నటించిన చిత్రాలు ఎన్నో తరాల ప్రేక్షకులను అలరించాయి. ఈ ఉత్సవం ఆయనకు ఒక నివాళిగా నిలుస్తుంది.
