Jewel thief movie : కృష్ణసాయి, మీనాక్షి జైస్వాల్ జంటగా నటిస్తున్న సస్పెన్స్ థ్రిల్లర్ చిత్రం ‘జ్యువెల్ థీఫ్’. ఈ మూవీ టీజర్‌ను ప్రముఖ నటుడు 30 ఇయర్స్ ఇండస్ట్రీ పృధ్వీ విడుదల చేశారు. శ్రీ విష్ణు గ్లోబల్ మీడియా బ్యానర్‌పై నిర్మితమవుతున్న ఈ చిత్రానికి పీఎస్ నారాయణ దర్శకత్వం వహిస్తున్నారు.
కృష్ణసాయి ఈ సినిమాలో యాక్షన్ సీన్లను అద్భుతంగా చేశాడు. నా పాత్ర కూడా చాలా బాగుంది. కృష్ణసాయి సూపర్ స్టార్ కృష్ణ గారి అభిమాని కావడమే కాకుండా, సమాజ సేవకుడు కూడా. ఆయన కృష్ణ సాయి ఇంటర్నేషనల్ ఛారిటబుల్ ట్రస్ట్ ద్వారా ఎన్నో సేవా కార్యక్రమాలు చేస్తున్నారు. నిజ జీవితంలోనూ ఆయన ఒక రియల్ హీరో.. అన్నారు 30 ఇయర్స్ ఇండస్ట్రీ పృధ్వీ .
సూపర్ స్టార్ కృష్ణ గారిని స్ఫూర్తిగా తీసుకొని సినిమాల్లోకి వచ్చాను. ‘జ్యువెల్ థీఫ్’ చిత్రం ఈ తరం ప్రేక్షకులకు బాగా నచ్చుతుందని నమ్ముతున్నాను. ఎంఎం శ్రీలేఖ అందించిన సంగీతం చాలా బాగుంది. ప్రముఖ నటి ప్రేమ గారితో కలిసి నటించడం నా కల. ఈ సినిమా ద్వారా ఆ కల నెరవేరింది అన్నారు హీరో కృష్ణసాయి .
కృష్ణసాయికి తగ్గ కథ ఇది. సినిమాలో నటించిన అందరు కళాకారులు చాలా బాగా చేశారు. ఇది చిన్న సినిమా కాదు, పేరున్న సీనియర్ నటీనటులు ఇందులో ఉన్నారు. త్వరలోనే సినిమాను ప్రేక్షకుల ముందుకు తీసుకురాబోతున్నాం అన్నారు ప్రొడ్యూసర్ మల్లెల ప్రభాకర్. మంచి కాన్సెప్ట్‌తో రూపొందిన ఈ సినిమాలో నటించడం చాలా సంతోషంగా ఉంది. ఈ అవకాశం ఇచ్చిన దర్శకనిర్మాతలకు కృతజ్ఞతలు అన్నారు హీరోయిన్ మీనాక్షి జైస్వాల్.
