మెగాస్టార్ చిరంజీవి కథానాయకుడిగా రామ్ చరణ్ ముఖ్య పాత్రలో కొరటాల శివ దర్శకత్వంలో మ్యాట్నీ ఎంటర్‌టైన్‌మెంట్, కొణిదెల ప్రొడక్షన్ సంస్థలు కలిసి నిర్మిస్తున్న ప్రెస్టీజియస్ మూవీ “ఆచార్య”. ఈ సినిమా షూటింగ్ శరవేగంగా జరుగుతోంది. ‘ఆచార్య’ లో ‘సిద్ధ’ అనే కీలక పాత్రలో రామ్ చరణ్ కనిపించనున్నాడు. ఇటివలే షూటింగ్లో జాయిన్ అయ్యారు. ప్రస్తుతం చిరు, చరణ్ కలయికలో ఉన్న సీన్స్ ను తెరకెక్కిస్తునారు. తాజాగా ‘ఆచార్య’ లో తన లుక్ ఎలా ఉండబోతుందో తెలియజేస్తూ సోషల్ మీడియా ద్వారా ఓ ఫొటో షేర్ చేశారు మూవీ టీం. ఈ ఫోటోలో చిరు, చరణ్ భుజంపై ఎర్రని క్లాత్ కట్టుకుని ఉన్న చెయ్యి వెయ్యగా, చరణ్ పక్కకి తిరిగి చూస్తున్నారు. సిద్ధ కామ్రేడ్‌గా కనిపించనున్నాడని తెలిసేలా అతని ముందు గన్ కూడా చూపించారు.
చిరుతో మరోసారి కాజల్ అగర్వాల్, చరణ్ కి జోడిగా పూజా హెగ్డే కథానాయికలుగా నటిస్తున్న ‘ఆచార్య’ చిత్రానికి మెలోడి బ్రహ్మ మణిశర్మ సంగీతమందిస్తున్నారు. మే 13న సినిమా భారీగా విడుదల కానుంది.
