Kaala movie : సూపర్ స్టార్ రజనీకాంత్ నటించిన ‘కాలా’ చిత్రం అరుదైన గౌరవాన్ని దక్కించుకుంది. పా.రంజిత్ దర్శకత్వం వహించిన ఈ చిత్రం 2018లో విడుదలైంది. భూమిని కాపాడుకోవడానికి పోరాడే ఒక స్థానిక నాయకుడిగా రజనీకాంత్ నటన ప్రశంసలు అందుకుంది. బాక్సాఫీసు వద్ద ఆశించినంత విజయం సాధించకపోయినా, ‘కాలా’ చిత్రం అధికారం కోసం పోరాడే అణగారిన వర్గాల పోరాటాన్ని చిత్రీకరించిన విధానానికి ప్రేక్షకుల ప్రశంసలు అందుకుంది.
తాజాగా, ఈ చిత్రానికి బ్రిటిష్ ఫిల్మ్ ఇనిస్టిట్యూట్ (BFI) సైట్ , సౌండ్ మ్యాగజైన్ నుండి ఒక గొప్ప గౌరవం లభించింది. 21వ శతాబ్దంలోని అత్యుత్తమ 25 చిత్రాల జాబితాలో ‘కాలా’కు స్థానం దక్కింది. ఈ జాబితాలో చోటు దక్కించుకున్న ఏకైక భారతీయ చిత్రం ఇదే కావడం విశేషం. ‘ఓల్డ్ బాయ్’ మరియు ‘గెట్ అవుట్’ లాంటి ప్రపంచ ప్రఖ్యాత చిత్రాలతో పాటు ‘కాలా’ ఈ జాబితాలో స్థానం పొందింది.
BFI తన ప్రకటనలో ఈ విధంగా తెలిపింది: “21వ శతాబ్దం నాలుగు భాగాలలో ఒక భాగం ముగింపుకు వచ్చిన సందర్భంగా, మా దగ్గర ఉన్న 25 మంది అత్యుత్తమ సినీ విమర్శకుల విశ్లేషణ ఆధారంగా ఈ అరుదైన మైలురాయిని ఆవిష్కరిస్తున్నాం. 2000-2024 మధ్య విడుదలైన సినిమాల్లో అన్ని విభాగాల్లోనూ మంచి ప్రదర్శన కలిగిన 25 చిత్రాలను ఎంపిక చేశాం. ప్రతి సంవత్సరం ఒక్కో సినిమాను తీసుకున్నాం.” ఈ గౌరవం భారతీయ సినిమాకు గర్వకారణమైన విషయం.
