లోకనాయకుడు కమల్ హాసన్ నట విశ్వరూపం చూపించిన చిత్రం ‘భారతీయుడు’. శంకర్ మలిచిన ఈ సూపర్ హిట్టు సందేశాత్మక చిత్రానికి ప్రస్తుతం సీక్వెల్ తెరకెక్కుతోన్న సంగతి తెలిసిందే. ‘భారతీయుడు 2’ వర్కింగ్ టైటిల్ పెట్టుకొని సెట్స్ మీదుండగా.. ఆ మధ్య అగ్ని ప్రమాదం జరిగి ప్రాణనష్టం కూడా జరిగిన సంగతి తెలిసిందే. ఆ ప్రమాదం నుండి కోలుకొని మళ్లీ షూటింగ్ ప్రారంభిద్దాం.. అనుకునేలోపు కరోనా వైరస్ విజృంభించింది. ఇక లాక్ డౌన్ వల్ల అనుకున్న షెడ్యూల్స్ కూడా క్యాన్సిల్ అయ్యాయి. అయితే ప్రస్తుతం ప్రభుత్వాలు సినిమా షూటింగులకు అనుమతులు ఇవ్వడంతో త్వరలో ‘భారతీయుడు 2’ షూటింగ్ ప్రారంభించే ఏర్పాట్లు చేస్తుందట చిత్రయూనిట్.
ఈ సినిమాలో కాజల్ అగర్వాల్, రకుల్ ప్రీత్ సింగ్ హీరోయిన్లుగా నటిస్తున్నారు. ఇదిలా ఉండగా తాజా సమాచారం ప్రకారం.. ఈ సినిమాలో మరో యంగ్ హీరోయిన్ నటించనుందట. గతేడాది ‘ఏజెంట్ సాయిశ్రీనివాస ఆత్రేయ’ సినిమాతో తెలుగులో అరంగేట్రం చేసిన శృతిశర్మ ఈ భారీ సినిమాలో ఛాన్స్ కొట్టేసిందట. మరి ఈ వార్త నిజమేనా.. శృతి ఎలాంటి పాత్ర చేయబోతుంది..? అనే ప్రశ్నలకు సమాధానం తెలియాల్సి ఉంది. ఇక అధికారిక ప్రకటన వచ్చే వరకు వెయిట్ చేయాల్సిందేనట.
