రీసెంట్ గా ఓటీటీలో విడుదలైన‘కృష్ణ అండ్ హిజ్ లీల’ చిత్రం ప్రేక్షక నెటిజెన్లను బాగానే ఆకట్టుకుంది. ఓటీటీలో తొలి సక్సెస్ అందుకున్న చిత్రంగా ఆ మూవీకి ప్రచారం చేస్తున్నారు. ఈ నేపథ్యంలో మరికొన్ని చిత్రాలు ఓటీటీలో విడుదల అయ్యేందుకు సిద్ధమవుతున్నాయి. అందులో రాజ్ తరుణ్ , కొండా విజయ్ కుమార్ కలయికలో తెరకెక్కిన ‘ఒరేయ్ బుజ్జిగా’.. ఒకటి.
నిజానికి కరోనా గొడవ లేకపోతే. ఈ పాటికి ‘ఒరేయ్ బుజ్జిగా’ చిత్రం విడుదలై.. రిజల్ట్ కూడా తెలిసిపోయేది. అందుకే ఎప్పుడో విడుదల కావాల్సిన ఈ సినిమా .. ఇప్పుడిలా ఓటీటీలో విడుదలయ్యేందుకు రెడీ అవుతుండడం విశేషంగా మారింది. అయితే ఈ సినిమా ఒటీటీలో విడుదలవబోతోందన్న సంగతి నిర్మాతలింకా ప్రకటించలేదు. కానీ ప్రచారాన్ని ముమ్మరం చేశారు. త్వరలోనే ఈ సినిమా ఓటీటీలో విడుదలయ్యే తేదీని ప్రకటించబోతున్నారని సమాచారం. మళవికా నాయర్ కథానాయిగా నటించిన ఈ సినిమాలో మరో కథానాయికగా హెబ్బా పటేల్ నటించింది. మరి ఈ సినిమా ఎప్పుడొస్తుందో చూడాలి.
