‘పలాస 1978’ చిత్రంతో మంచి గుర్తింపు తెచ్చుకున్నాడు కొత్త కుర్రోడు రక్షిత్ అట్లూరి. ఆ సినిమా క్రెడిట్ తో ఈ కుర్రోడిప్పుడు మరో ఇంట్రెస్టింగ్ ప్రాజెక్ట్ కు రెడీ అవుతున్నాడు. ఇక ఈ సినిమాకి ‘WHO’ అనే ఆసక్తికరమైన టైటిల్ ఫిక్స్ చేశారు. వరల్డ్ హాజార్డ్ ఆర్టినెన్స్ అంటూ కొత్తగా అబ్రివేట్ చేస్తూ .. కోవిడ్ 19పై ఈ సినిమాను తెరకెక్కిస్తున్నారు. అసలు ప్రపంచ వ్యాప్తంగా కరోనా వైరస్ ఎలా వ్యాపించింది? దానికి వెనకాల ఎవరి కుట్ర ఉంది? అనే అంశాలతో ఈ సినిమా హ్యాకింగ్ బ్యాక్ డ్రాప్ లో సైంటిఫిక్ థ్రిల్లర్ గా రూపొందనుంది.
హీరో రక్షిత్ పుట్టిన రోజు సందర్భంగా విడుదలైన ‘WHO’ చిత్రం ఫస్ట్ లుక్ కు మంచి స్పందన లభించింది. ‘ఐయామ్ గోన్నా టెల్ గాడ్ ఎవ్రిథింగ్’ అనే వెరైటీ హాలీవుడ్ షార్ట్ ఫిల్మ్ తో మంచి గుర్తింపు తెచ్చుకున్న దేవ్ పిన్నమరాజు ఈ సినిమాతొ దర్శకుడిగా పరిచయం కాబోతున్నాడు. ఇక ఈ సినిమా షూటింగ్ ను విదేశాల్లో ప్లాన్ చేస్తున్నారు. మిగతా వివరాలు త్వరలోనే తెలియచేస్తారు.
