‘మహానటి’ చిత్రం ఘనవిజయం తో దక్షణాదిన సూపర్ క్రేజ్ తెచ్చుకుంది మల్లూ కుట్టి కీర్తి సురేశ్. ఆ క్రెడిట్ తోనే వరుస ఆఫర్స్ అందుకుంది. తన పారితోషికం కూడా భారీ ఎత్తున పెంచేసింది. ప్రస్తుతం లేడీ ఓరియెంటెడ్ మూవీస్ మీద కాన్సన్ ట్రేట్ చేస్తోన్న అమ్మడు నితిన్ హీరోగా నటిస్తోన్న చిత్రంతో పాటు .. సూపర్ స్టార్ రజనీకాంత్ సరసన ‘అన్నాత్త’ మూవీ లో కూడా కథానాయికగా నటిస్తోంది.
ఇదిలావుంటే తాజా పరిస్థుతుల నేపథ్యంలో తన పారితోషికాన్ని 30 శాతం తగ్గించుకుంటోదట. నితిన్ సినిమా ‘రంగ్ దే ‘ షూటింగ్ ని పూర్తి చేసుకున్న కీర్తి సురేష్ ఇకపై చేయబోయే సినిమాలకు 30 శాతం పారితోషికం తగ్గించుకోనుందని తెలుస్తోంది. జూన్ 19న కీర్తి నటించిన ‘పెంగ్విన్’ చిత్రం డైరెక్ట్ గా అమెజాన్ ప్రైమ్ లో స్ట్రీమింగ్ అవబోతున్న సంగతి తెలిసిందే. ఈ సినిమా కానీ విజయం సాధిస్తే.. అమ్మడు పారితోషికం విషయంలో మాటమీద నిలబడుతుందో లేదో చూడాలి.
