నటసింహ నందమూరి బాలకృష్ణ ఈ 10వ తేదీన తన పుట్టిన రోజును జరుపుకోనున్నారు. దీని ప్రత్యేకత ఏంటంటే.. ఈ ఏడాదితో బాలయ్యకి 60 ఏళ్ళు పూర్తవుతాయి. దీన్ని పురస్కరించుకొని ఈ 10వ తేదీన బాలకృష్ణ తన షష్టిపూర్తిని చాలా గ్రాండ్ గా జరపుకోనున్నారట. దాని కోసం అభిమానులు భారీ ఎత్తున ఏర్పాట్లు చేస్తున్నారట. ఈ నేపథ్యంలో బాలయ్య అభిమానులు ఆయన స్పెషల్ డీపీని విడుదల చేశారు. ప్రస్తుతం సోషల్ మీడియాలో ఈ డీపీకి సూపర్ రెస్పాన్స్ వస్తోంది.
ఓ వైపు.. శ్రీకృష్ణదేవరాయలు గెటప్ లో.. మరో వైపు ‘నిప్పురవ్వ’ సినిమాలోని మాస్ రగ్గడ్ లుక్ లో గంభీరం గా ఉన్నారు బాలకృష్ణ. ఇదిలా ఉండగా ఆ రెండు ఫోటోల వెనుక జై బాలయ్య హిందూపూర్ బసవతారకం వంటి పదాలతో పాటు బాలయ్య తల్లిదండ్రుల బొమ్మలు కూడా ఎడిట్ చేశారు. మరో స్పెషల్ ఏంటంటే.. ”ఆయనకి కష్టం వస్తే అరగంట ఆలస్యంగా వెల్తారు ఏమో అయిన వాళ్ళకి వస్తే మాత్రం అరక్షణం కూడా ఆలోచించరు..” అనే బాలయ్య ఫేమస్ డైలాగ్ తో డీపీ విడుదల చేశారు అభిమానులు. ఈ డీపీ పై సోషల్ మీడియాలో ప్రముఖలందరూ స్పందిస్తున్నారు.
