మెగాస్టార్ చిరంజీవి 152 మూవీగా కొరటాల శివ దర్శకత్వంలో తెరకెక్కుతోన్న సామాజిక సందేశాత్మక చిత్రం ‘ఆచార్య’. ఈ చిత్రం టైటిల్ ను ఈ మధ్య చిరునే లీక్ చేసిన సంగతి తెలిసిందే. దేవాదాయ శాఖలోని అవినీతిని, అక్రమాల్ని బైటపెట్టే ఒక ప్రభుత్వ అధికారిగా చిరంజీవి నటిస్తోన్నఈ మూవీలో త్రిష కథానాయికగా నటిస్తోన్న సంగతి తెలిసిందే. ఇక ఇందులోని చిరంజీవి టీనేజ్ పాత్రను రామ్ చరణ్ చేయబోతున్నట్టు వార్తలొస్తుండగా.. ఈ విషయాన్ని ఇంకా అఫీషియల్ గా కన్ఫర్మ్ చేయలేదు. ఇక ఆచార్య సినిమాకి సంబంధించిన ఒక వార్త మెగాభిమానుల్ని ఖుషీ చేయబోతోంది.
‘ఆచార్య’ చిత్రానికి సంబంధించిన టైటిల్ లోగో తో కూడిన చిరంజీవి ఫస్ట్ లుక్ పోస్టర్ ను ఉగాది సందర్భంగా.. అంటే ఈ నెల 23న విడుదల చేయబోతున్నట్టు సమాచారం. మణిశర్మ సంగీతం అందిస్తోన్న ఈ సినిమాను ఆగస్ట్ 14న విడుదల చేయబోతున్నట్టు వార్తలొస్తున్నాయి. ‘సైరా’ సూపర్ హిట్టు తర్వాత చిరంజీవి, ‘భరత్ అనే నేను’ చిత్రం తర్వాత కొరటాల చేస్తోన్న ‘ఆచార్య’ చిత్రం టాలీవుడ్ లో ఏ రేంజ్ లో రికార్డులు క్రియేట్ చేస్తుందో చూడాలి.
