‘ఒక్కడు మిగిలాడు’ చిత్రం తర్వాత మంచు మనోజ్ నటిస్తోన్న ఇంటెన్స్ థ్రిల్లర్ ‘అహం బ్రహ్మస్మి’. డివోషనల్ టచ్ తో కూడిన ఈ ఆసక్తికరమైన చిత్రం మొన్నామధ్యనే మొదలైంది. మనోజ్ తల్లి నిర్మలా దేవి నిర్మాణ సారధ్యంలో రూపొందుతున్న ఈ సినిమాకి కొత్త కుర్రోడు శ్రీకాంత్ యన్. రెడ్డి దర్శకుడు. సినిమా అనౌన్స్ మెంట్ జరిగిన రోజున టైటిల్ పోస్టర్ ను విడుదల చేసిన మేకర్స్ … ఇటీవల ఈ సినిమాలోని మనోజ్ లుక్ ను విడుదల చేశారు. ఈ లుక్ కు మంచి రెస్పాన్స్ వస్తోంది.
అఘోరా తరహాలో మనోజ్ ఫేస్ త్రిముఖంగా రివీలైంది. మధ్యలో సీరియస్ గా అతడి ఫేస్ కనిపిస్తుంటే.. అటు ఇటు ఉన్న ముఖాలు నవ్వుతూన్న పోజులో రివీలయ్యాయి. పాన్ ఇండియాలో కేటగిరిలో బహుభాషల్లో విడుదలవుతోన్న ఈ సినిమా అందుకు తగ్గట్టుగానే భారీ ఎత్తునే నిర్మాణం జరుపుకుంటోంది. మరి అహం బ్రహ్మస్మి చిత్రం మనోజ్ కు ఏ రేంజ్ లో పేరు తెస్తుందో చూడాలి.
