విక్టరీ వెంకటేశ్ కెరీర్ లోనే ది బెస్ట్ అనదగ్గ సినిమా ‘చంటి’. అసలు వెంకీ కెరీర్ నే మలుపుతిప్పిన సినిమా. 1991 లో రవిరాజా పినిశెట్టి దర్శకత్వంలో క్రియేటివ్ కమర్షియల్్స బ్యానర్ లో తెరకెక్కిన ఈ సినిమా ఆ సంవత్సరం బ్లాక్ బస్టర్స్ లిస్ట్ లోకి చేరిపోయింది. అంతేకాదండోయ్.. కథానాయికగా మీనా కెరీర్ కు కూడా చంటి సినిమా ఒక ప్రత్యేకమైంది. వెంకీ నటనకు తోడు.. మాస్ట్రో ఇళయరాజా మ్యూజికల్ మ్యాజిక్ చేసిన ఈ మూవీ .. ‘చిన్నతంబి’ తమిళ చిత్రానికి రీమేక్ అన్న సంగతి తెలిసిందే. ప్రభు, ఖుష్బూ జంటగా నటించిన ఈ సినిమా కి దర్శకుడు పి.వాసు. తమిళ నాట ఈ సినిమా 9 థియేటర్స్ లో సంవత్సరం ఆడింది. అలాగే 47 కేంద్రాల్లో శతదినోత్సవం జరపుకోవడం విశేషం. ఇక ఇదే చిత్రం కన్నడలో రవిచంద్రన్ హీరోగా రామాచారి గానూ, హిందీలో వెంకీనే హీరోగా అనారి గానూ రీమేక్ అయి ఆయా భాషల్లోనూ ఘన విజయం సాధించింది.
