టాలీవుడ్ టాలెంటెడ్ యంగ్ హీరో శ్రీ విష్ణు .. ఎర్లియర్ గా ‘బ్రోచే వారెవరురా’ చిత్రంతో మంచి విజయం ఖాతాలో వేసుకున్నాడు. ఇక తాజా చిత్రంలో మరో వెరైటీ అవతారంలో కనిపించనున్నాడు. ‘రాజ రాజ చోర’ అనే కొత్త తరహా టైటిల్ ను ఖాయం చేసుకున్న ఈ సినిమాకి హసిత్ గోలి దర్శకుడు. పీపుల్స్ మీడియా ఫ్యాక్టరీ , అభిషేక్ అగర్వాల్ ఆర్ట్స్ బ్యానర్స్ పై ఈ సినిమాను టి.జీ విశ్వప్రసాద్, అభిషేక్ అగర్వాల్ సంయుక్తంగా నిర్మిస్తున్నారు.
నేడు శ్రీవిష్ణు పుట్టినరోజు సందర్భంగా.. ఈ సినిమా ఫస్ట్ లుక్ పోస్టర్ ను విడుదల చేశారు మేకర్స్ . అందులో విచిత్ర వేషధారణలో శ్రీ విష్ణు రివీలయ్యాడు. ఈ లుక్ ప్రస్తుతం సోషల్ మీడియాలో వైరల్ అయింది. వివిధ రకాలు చిల్లర దొంగతనాలు చేసే హీరో..ఒక సంఘటనతో చిక్కుల్లో పడతాడు. చివరికి అతడు వాటినుంచి ఏ విధంగా బైట పడతాడు అనే థీమ్ తో బ్లాక్ కామెడీ గా ఈ సినిమా తెరకెక్కుతోంది.. మరి ‘రాజ రాజ చోర’ గా శ్రీవిష్ణు ఏ రేంజ్ లో మెప్పిస్తాడో చూడాలి.
