‘సరిలేరు నీకెవ్వరు’ చిత్రంతో బ్లాక్ బస్టర్ కొట్టి అభిమానుల్ని ఓ రేంజ్ లో శాటిస్ఫై చేశాడు మహేశ్ బాబు. ప్రస్తుతం తదుపరి చిత్రాన్ని ట్రాక్ ఎక్కించే హడావిడిలో ఉన్నాడు. వంశీ పైడిపల్లి దర్శకత్వంలో సెట్స్ మీదకు వెళ్ళాల్సిన సినిమా అర్దాంతరంగా ఆగిపోయిన సంగతి తెలిసిందే. అతడ్ని ఇప్పుడు పరశురామ్ రీప్లేస్ చేస్తోన్న వార్తలు వస్తున్నాయి. మూడొంతులు అతడే దర్శకుడు కావచ్చని సమాచారం. ‘గీత గోవిందం’ తర్వాత మహేశ్ బాబు తో సినిమా చేసేందుకు తెగ ప్రయత్నించిన పరశురామ్ కి అప్పట్లో మహేశ్ ఆ అవకాశం ఇవ్వలేదు. ఇప్పుడు ఇలా జాక్ పాట్ కొట్టినట్టు అవకాశమే అతడి దగ్గరికి నడిచిరావడంతో పరశురామ్ ఉబ్బి తబ్బిబ్బవుతున్నాడు.
ఇక ఈ సినిమా లాంచింగ్ కు ముహూర్తం ఖరారైందట. తాజా సమాచారం ప్రకారం మహేశ్ పరశురామ్ సినిమా జూలై లో సెట్స్ మీదకు వెళ్లబోతున్నట్టు వార్తలొస్తున్నాయి. మైత్రీ మూవీ మేకర్స్ బ్యానర్ పై నిర్మాణం జరుపుకోనున్న ఈ సినిమా షూటింగ్ మేజర్ పార్ట్ యూఎస్ లో జరుపుకోనుంది. గోపీ సుందర్ సంగీతం అందించనుండగా.. మది ఛాయాగ్రహణం అందించబోతున్నాడు.
