మెగాస్టార్ చిరంజీవి 152వ చిత్రంగా ప్రతిష్ఠాత్మకంగా తెరకెక్కుతోన్న మెసేజ్ ఓరియెంటెడ్ యాక్షన్ మూవీ ‘ఆచార్య’ (వర్గింగ్ టైటిల్ ). అజేయ దర్శకుడు కొరటాల శివ తనదైన శైలిలో రూపొందిస్తోన్న ఈ సినిమాకు సంబంధించిన ప్రతీ అప్డేట్ అభిమానుల్ని తెగ ఊరిస్తోంది. నిన్నటికి నిన్న ఇందులోని చిరు స్టిల్ లీక్ అయి.. వైరల్ అయిన సంగతి తెలిసిందే. ఇప్పుడు మరోసారి ‘ఆచార్య’ సినిమా తాలుకా ఒక అంశం సోషల్ మీడియాలో చెక్కర్లు కొడుతూ .. వార్తల్లోకి వచ్చింది.
చిరంజీవి అభిమానుల ఫేస్ బుక్ పేజ్ లో ‘ఆచార్య’ చిత్రానికి సంబంధించిన ఒక ఫ్యాన్ మేడ్ పోస్టర్ భలేగా వైరల్ అవుతోంది. చిరంజీవి ఒక స్టిక్ పట్టుకొని సీరియస్ గా చూస్తూ.. ప్రత్యర్దుల భరతం పడుతున్నట్టు రివీలైన ఈ పోస్టర్ మరోసారి మెగాభిమానుల దృష్టిని ఆకర్షిస్తోంది. ఆ స్టిల్ ను నిర్మాతలే విడుదల చేసిన ఒరిజినల్ పోస్టరేమో అన్నంత అందంగా తీర్చిదిద్దారు ఫ్యాన్స్ . మరి నిజంగానే ఈ సినిమాకి ‘ఆచార్య’ టైటిలే ఖాయం చేస్తారో లేక వేరే టైటిల్ ను పరిశీలిస్తారో చూడాలి.
