బాలీవుడ్ యంగ్ టైగర్.. టైగర్ ష్రాఫ్ , రితీష్ దేశ్ ముఖ్ , అందాల శ్రద్ధా కపూర్ ప్రధాన తారాగణంతో .. అహ్మద్ ఖాన్ దర్శకత్వంలో తెరకెక్కుతోన్న యాక్షన్ థ్రిల్లర్ ‘బాఘీ 3. తమిళ సూపర్ హిట్టు చిత్రం ‘వేట్టై’ కిది రీమేక్ వెర్షన్ . కాగా అదే చిత్రం తెలుగులో ‘తడాఖా’ గా విడుదలై అదరగొట్టింది. నడియా వాలా గ్రాండ్సన్ ఎంటర్ టైన్ మెంట్, ఫ్యాక్స్ స్టార్స్ స్టూడియోస్ సంయుక్తంగా నిర్మిస్తోన్న ఈ సినిమా ‘బాఘీ’ సిరీస్ లో మూడో భాగం. అంతకు ముందు విడుదలైన రెండు భాగాలూ సూపర్ హిట్స్ అవడంతో .. మూడో భాగంపై విపరీతమైన అంచనాలేర్పడ్డాయి.
మార్చ్ 6న ప్రపంచ వ్యాప్తంగా విడుదలకానున్న ఈ సినిమా ప్రమోషన్స్ ను ఓ రేంజ్ లో చేస్తున్నారు మేకర్స్. అందులో భాగంగా బాఘీ 3 మేకింగ్ వీడియో ను విడుదలు చేశారు. టైగర్ ష్రాఫ్ , శ్రద్ధలపై ఒక సాంగ్ మేకింగ్ ను ఈ వీడియో లో ప్రధానంగా హైలైట్ చేశారు. ఇద్దరూ డ్యాన్సుల్లో నువ్వా నేనా అంటూ పోటీ పడుతూ.. అదరగొడుతున్నారు. అలాగే.. టైగర్ చేసిన మెరుపు ఫైట్స్ మేకింగ్ ను కూడా వీడియో లో పొందుపరిచారు. దాదాపు ఐదుగురు సంగీత దర్శకులు కంపోజ్ చేసిన పాటలతో బాఘీ 3 ఆల్బమ్ రూపొందడం విశేషం. మరి బాఘీ 3 మూవీ టైగర్ కు ఏ రేంజ్ లో పేరు తెస్తుందో చూడాలి.
మేకింగ్ వీడియో కోసం కింది లింక్ మీద క్లిక్ చేయండి.
https://www.youtube.com/watch?v=zaPpbkg9bbA&feature=youtu.be
