మెగా ప్రిన్స్ వరుణ్ తేజ హీరోగా .. కొత్త దర్శకుడు కిరణ్ కొర్రపాటి రూపొందిస్తోన్న స్పోర్ట్స్ బ్యాక్ డ్రాప్ మూవీ ‘బాక్సర్’ (వర్కింగ్ టైటిల్ ). బాక్సింగ్ ఛాంపియన్ గా అదరగొట్టబోతున్న వరుణ్ ఈ సినిమా కోసం .. ప్రత్యేకించి బాక్సింగ్ లో శిక్షణ కూడా తీసుకున్నాడు. ఈ సినిమా ప్రీప్రొడక్షన్ వర్క్ ఆల్రెడీ కంప్లీట్ అవడంతో .. నేటి నుంచే రెగ్యులర్ షూటింగ్ వైజాగ్ లో ప్రారంభమైంది. దాదాపు రూ. 35కోట్ల బడ్జెట్ తో అల్లు బాబీ, సిద్ధూ ముద్దల సంయుక్తంగా నిర్మిస్తోన్న ఈ సినిమా మీద టాలీవుడ్ లో మంచి అంచనాలున్నాయి.
ప్రముఖ బాలీవుడ్ దర్శకుడు, నటుడు మహేశ్ మంజ్రేకర్ కుమార్తె సాయీ మంజ్రేకర్ కథానాయికగా నటిస్తూండగా.. వరుణ్ తల్లిగా రమ్యకృష్ణ కనిపించనుంది. తమన్ సంగీతం అందిస్తోన్న ఈ సినిమా పై వరుణ్ మంచి హోప్స్ పెట్టుకున్నాడు. ఎఫ్2, గద్దల కొండ గణేశ్ చిత్రాలతో వరుస విజయాలు సాధించిన వరుణ్ .. ‘బాక్సర్’ తో హ్యాట్రిక్ సాధిస్తాడేమో చూడాలి.
