‘కేరాఫ్ కంచరపాలెం’ చిత్రంతో విమర్శకుల ప్రశంసలు సైతం అందుకున్న యువ దర్శకుడు వెంటేశ్ మహా. ఆ సినిమాతో అందరి దృష్టినీ ఆకర్షించిన అతగాడు.. రెండో ప్రయత్నంగా తెరకెక్కించిన చిత్రం ‘ఉమామహేశ్వరా ఉగ్రరూపశ్య’. మలయాళంలో ఫహద్ ఫాజిల్ హీరోగా నటించిన సూపర్ హిట్టు ‘మహేషిండే ప్రతీకారం’ చిత్రానికిది రీమేక్. సత్యదేవ్ హీరోగా నటించిన ఈ సినిమాను శోభు యార్లగడ్డ, ప్రసాద్ దేవినేని సంయుక్తంగా నిర్మిస్తున్నారు. ఫోటో గ్రాఫర్ గా తన పనితాను చేసుకుంటూ పోయే ఒక యువకుడికి .. మరొకడి వల్ల ఊరివారందరి ముందూ భరించరాని అవమానం జరుగుతుంది. దాంతో ఆ మేటర్ ను సీరియస్ గా తీసుకున్న అతడు.. తిరిగి ప్రతీకారం తీర్చుకోవడమే చిత్ర కథాంశం. శివ రాత్రి సందర్భంగా ఈ రోజే విడుదలైన ఈ సినిమా టీజర్ అందరినీ ఆకట్టుకుంటోంది.
ఉమా మహేశ్వర గా సత్యదేవ్ గెటప్ , పెర్ఫార్మెన్స్, అంతా చూస్తుంటే.. మలయాళ హీరో ఫహద్ ఫాజిల్ ను పూర్తిగా అనుకరించినట్టు అనిపిస్తుంది. ముఖ్యంగా ఫహద్ నవ్వును సత్యదేవ్ ప్రింట్ దింపేశాడు. కాకపోతే.. అందులో ఫహద్ ఇచ్చిన బెస్ట్ పెర్ఫార్మెన్స్ ను కూడా సత్యదేవ్ తెలుగులో ఇవ్వడానికి ప్రయత్నిస్తే.. ఈ సినిమా ఇక్కడ కూడా మ్యాజిక్ చేసే అవకాశముంది. సత్యదేవ్ ఎలాగూ.. మంచి నటుడు . కాబట్టి.. ఆ విషయంలో అతడు తెలుగు ప్రేక్షకుల్ని నిరాశపరచడని ఆశిద్దాం. మరి ‘ఉమా మహేశ్వరా ఉగ్రరూపశ్య’ తెలుగులో ఏ స్థాయిలో అలరిస్తుందో చూడాలి.
టీజర్ ను వీక్షించడానికి కింది లింక్ మీద క్లిక్ చేయండి.
https://www.youtube.com/watch?v=Xr5gf6px4vE&feature=emb_logo
