ఎర్లియర్ గా ‘నేర్కొండ పారవై’ ( బాలీవుడ్ పింక్ రీమేక్ ) మూవీతో బ్లాక్ బస్టర్ ఖాతాలో వేసుకున్నాడు తమిళ స్టార్ హీరో అజిత్ కుమార్. దీని తర్వాత అతడి 60వ చిత్రం అన్ని రకాలుగానూ అందరిలోనూ ఆసక్తి రేకెత్తిస్తోంది. బోనీకపూర్ నిర్మాణంలోనే మళ్ళీ హెచ్ .వినోద్ దర్శకత్వంలో ఈ సినిమా తెరకెక్కనుంది. ‘వలిమై’ (బలం) టైటిల్ తో తెరకెక్కనున్న ఈ సినిమాలో అజిత్ .. హీరో అవకముందు చేసిన ప్రొఫెషన్ నే చేస్తాడట. అంటే ఈ సినిమాలో అతగాడు ఫార్ములా వన్ కార్ రేసరట. ఇక అసలు విషయానికొస్తే.. ఇందులో విలన్ గా ఒక టాలీవుడ్ హీరో నటించనున్నాడని సమాచారం.
గతంలో అజిత్ 60వ సినిమాలో విలన్ గా ‘ఆర్.ఎక్స్ 100’ హీరో కార్తికేయన్ విలన్ గా నటిస్తాడని వార్తలొచ్చాయి. అప్పట్లో ఆ వార్తల్ని నిర్మాతలు ఖండించారు. ఇప్పుడు మళ్లీ విలన్ గా నవదీప్ పేరు వినిపిస్తోంది. నవదీప్ ఇటీవల తమిళంలో జీవా ‘సీరు’ (తెలుగులో ‘స్టాలిన్’.. అందరివాడు ) సినిమాలో విలన్ గా నటించాడు. అందులోని అతడి పెర్ఫార్మెన్స్ కు ఇంప్రెస్ అయిన వినోద్ .. ‘వలిమై’ లో విలన్ గా అతడ్నే ఖాయం చేశాడని సమాచారం. అయితే ఈ విషయంలో ఇంకా క్లారిటీ రావాల్సి ఉంది. ఈ సమ్మర్ కానుకగా విడుదల కానున్న ఈ సినిమా కు నవదీప్ విలనిజం ఏ మేరకు ప్లస్ అవుతుందో చూడాలి.
