‘ఆర్ .ఎక్స్ 100’ మెరుపు విజయంతో టాలీవుడ్ లో హీరోగా మెరిశాడు కార్తికేయ. ఆ ఒక్క సినిమాతోనే ఊపిరిసలపనన్ని ఆఫర్స్ ను అందుకున్నాడు. అయితే ఆ తర్వాత వచ్చిన ‘హిప్పీ, గుణ369, 90 యమ్మెల్‘ లాంటి సినిమాలన్నీ ఇలా వచ్చిఅలా వెళ్లిపోయాయి. అయినాసరే ఈ హీరోకి ఆఫర్ మాత్రం ఆగలేదు. ప్రస్తుతం గీతా ఆర్ట్స్ 2 బ్యానర్ లో ఒక సినిమాకు కమిట్ అయ్యాడు కార్తికేయ. సినిమా పేరు ‘చావుకబురు చల్లగా’. కొత్త కుర్రోడు కౌశిక్ దర్శకత్వంలో తెరకెక్కనున్న హైద్రాబాద్ లో ఈ రోజే ఈ చిత్రం షూటింగ్ ప్రారంభమైంది.
శవాల్ని స్మశానికి తీసుకెళ్లే వాహనానికి డ్రైవర్ గా కార్తికేయ నటిస్తున్నాడు. చిత్రంలో అతడి పేరు బాలరాజు. బాలరాజుకు .. ఆ శవాల వాహనానికి చుట్టూ తిరిగే కథతో ఈ సినిమా రూపొందుతోంది. బ్లాక్ కామెడీ జోనర్ లో తెరకెక్కుతోన్న ‘చావు కబురు చల్లగా’ చిత్రం.. కార్తికేయకు ఏ స్థాయిలో పేరు తెస్తుందో చూడాలి.
