ఇంద్రగంటి మోహన్ కృష్ణ దర్శకత్వంలో నానీ, సుధీర్ బాబు ప్రధాన తారాగణంగా నటిస్తోన్న యాక్షన్ థ్రిల్లర్ ‘వీ’. నివేదా థామస్ , అదితీరావు హైదరీ కథానాయికలు గా నటిస్తోన్న ఈ సినిమా ఉగాది కానుకగా మార్చ్ 25న విడుదల కానుంది. మొన్నామధ్య ‘వీ’ చిత్రానికి సంబంధించి నానీ, సుధీర్ బాబు వేరు వేరు లుక్స్ విడుదలై అందరినీ ఆకట్టుకున్నాయి. అయితే ఈ రోజు ఈ సినిమాలో నానీ, సుధీర్ బాబు కలిసి ఉన్న కొత్త లుక్ ను విడుదల చేశారు మేకర్స్. ఈ పోస్టర్ కు సోషల్ మీడియాలో మంచి రెస్పాన్స్ వస్తోంది.
ఇక ‘వీ’ చిత్రంలో సుధీర్ బాబు కాప్ గా నటిస్తున్నాడని, నానీ రెండు పాత్రలు పోషిస్తున్నాడని, అందులో ఒకటి విలన్ పాత్రని గతంలో వార్తలు వచ్చాయి. ఇక తాజాగా ఇందులో నానీ, సుధీర్ బాబు పాత్రలు ఇటు హీరోగానూ, అటు విలన్ గానూ కనిపిస్తాయని మరో న్యూస్ చక్కర్లు కొడుతోంది. ఏది ఏమైనప్పటికీ ‘వీ’ చిత్రంతో ఈ ఇద్దరు హీరోలు ప్రేక్షకులకు మరిచిపోలేని ట్రీట్ ఏదో ఇవ్వబోతున్నారని అర్ధమవుతోంది. మరి వారి పాత్రలు ఏ రేంజ్ లో అలరించనున్నాయో తెలియాలంటే.. మార్చ్ 25 వరకూ ఆగాల్సిందే.
