‘గరుడవేగ’ చిత్రంతో మంచి కమ్ బ్యాక్ లభించిన రాజశేఖర్ కు ఆ తర్వాత ‘కల్కి’ మూవీతో యావరేజ్ రిజల్ట్ మాత్రమే దక్కింది. ఇప్పుడు మరో సూపర్ సక్సెస్ మూవీతో తిరిగి ఫామ్ లోకి రావాలనుకుంటున్నాడు. ఆ క్రమంలో ఆయన ప్లాప్ డైరెక్టర్ వీరభద్రంతో ఒక మూవీకి కమిట్ అవడం అందరినీ ఆశ్చర్యపరుస్తోంది. ఒకప్పుడు టాలీవుడ్ లో ‘అహనాపెళ్ళంట’, పూలరంగడు లాంటి సక్సెస్ ఫుల్ మూవీస్ తీసిన వీరభద్రం .. చివరగా ఆది సాయికుమార్ తో చుట్టలబ్బాయి చిత్రాన్ని తెరకెక్కించాడు. ఆ సినిమా డిజాస్టర్ టాక్ తెచ్చుకోవడంతో .. మళ్లీ ఇన్నాళ్ళకు ఇప్పుడు రాజశేఖర్ తో ఒక యాక్షన్ మూవీ తెరకెక్కించి ఫామ్ లోకి రావాలనుకుంటున్నాడు.
ప్రస్తుతం ఈ మూవీ ప్రీ ప్రొడక్షన్ వర్క్ జరుపుకుంటోంది. మార్చ్ లో సెట్స్ మీదకు వెళ్ళనున్న రాజశేఖర్ – వీరభద్రం కాంబో మూవీ నటీనటుల ఎంపిక కార్యక్రమాన్ని పూర్తి చేసుకొని త్వరలోనే అఫీషియల్ అనౌన్స్ మెంట్ ఇవ్వనుంది . మరి ఈ చిత్రం రాజశేఖర్ కు, వీరభద్రానికి ఏ స్థాయి విజయాన్ని అందిస్తుందో చూడాలి.
