నాగచైతన్య, సాయిపల్లవి కాంబినేషన్‌ అంటేనే ఓ ఫీల్ గుడ్‌ ఫీలింగ్ వచ్చేసింది. అది కూడా చందు మొండేటి డైరెక్షన్‌, అల్లు అరవింద్‌ ప్రొడక్షన్‌ వేల్యూస్‌ యాడ్‌ అయితే ఇంక చెప్పక్కర్లేదు.ఇదే ఫీల్ క్రియేట్ చేసింది తండేల్ ట్రైలర్. రాజు , బుజ్జిల లవ్‌స్టోరీ.. సిక్కోలు యాసలో సిందులు , సరసాలు… అటు నుంచి కథ పాకిస్తాన్‌ దాక వెళ్లిన నేపథ్యాన్ని పరిచయం చేసింది ట్రైలర్.
ప్రమాదమని తెలిసినా తన మంది కోసం ముందుకడుగేసినోడే తండేల్.. తండేల్ అంటే ఓనర్ కాదు లీడర్‌ అనే డైలాగ్స్ సినిమాలోని డెప్త్‌కి అద్దం పడతాయి. సముద్రంలో విజువల్స్‌ సినిమా పట్ల క్యూరియాసిటీని ఇంకా పెంచేస్తాయి. తండేల్‌కు సంబంధించి మొదట్నుంచి మేజిక్‌ చేస్తున్న డీఎస్పీ మ్యూజిక్‌ ఈ ట్రైలర్‌ని ఇంకా హైలైట్ చేసింది. సాయిపల్లవి అంటే తెలంగాణా యాసే గుర్తొస్తుంది.. ఈ సినిమాలో మాత్రం శ్రీకాకుళం యాసలో అద్దరగొట్టింది. ఓవరాల్‌గా తండేల్ ట్రైలర్ సూపర్బ్‌.
