NTR – NEEL : ‘దేవర’ సినిమా సూపర్ హిట్ తర్వాత యంగ్ టైగర్ ఎన్టీఆర్ ఇప్పుడు తన తదుపరి చిత్రాలపై ఫోకస్ పెట్టారు. ప్రస్తుతం ‘వార్ 2’ షూటింగ్‌లో బిజీగా ఉన్నారు. అంతేకాకుండా, సెన్సేషనల్ డైరెక్టర్ ప్రశాంత్ నీల్‌తో కలిసి కొత్త సినిమా చేస్తున్న సంగతి తెలిసిందే. ఈ సినిమా పూజా కార్యక్రమాలు పూర్తయ్యాయి. 2026 జనవరి 9న సంక్రాంతి కానుకగా ప్రేక్షకుల ముందుకు రానుంది.
ఈ భారీ బడ్జెట్ చిత్రం షూటింగ్ ఎప్పుడు ప్రారంభం అవుతుందని ప్రేక్షకులు ఎంతగానో ఆసక్తిగా ఎదురు చూస్తున్నారు. తాజా సమాచారం ప్రకారం, నవంబర్ చివరి వారం నుంచి ప్రశాంత్ నీల్ షూటింగ్‌ను ప్రారంభించాలని భావిస్తున్నారు. అయితే, ఎన్టీఆర్ మాత్రం జనవరి మూడవ వారం తర్వాతే ఈ సినిమా సెట్స్‌పైకి రానున్నట్లు తెలుస్తోంది. అప్పటివరకు ‘వార్ 2’ షూటింగ్‌లో బిజీగా ఉంటారని సమాచారం. ఎన్టీఆర్-ప్రశాంత్ నీల్ కాంబినేషన్‌లో వస్తున్న ఈ చిత్రంపై భారీ అంచనాలు నెలకొన్నాయి.
