Bobby Deol : 1990లలో, బాలీవుడ్‌లో అత్యంత ప్రజాదరణ పొందిన ప్రధాన నటులలో బాబీ డియోల్ ఒకరు. “బర్సాత్”, “గుప్త్”, “సోల్జర్”, “అజ్నబీ” వంటి చిత్రాలతో.. ఆయన బాలీవుడ్‌లో అగ్ర హీరోలలో ఒకరుగా మారాడు. ఇటీవల బాబీ.. రణబీర్ కపూర్ నటించిన “యానిమల్” చిత్రంతో బాలీవుడ్‌లో అదిరిపోయే కమ్ బ్యాక్ ఇచ్చాడు. “యానిమల్” సినిమా భారీ విజయం బాబీ డియోల్ కు కొత్త కెరీర్‌ను ఇచ్చింది. అతడు ఇప్పుడు సౌత్ లో మోస్ట్ వాంటెడ్ విలన్ పాత్రధారి అయిపోయాడు. ప్రస్తుతం బాబీ డియోల్ దక్షిణాది సినిమాలలో విలన్ గా బిజీగా అయిపోయాడు.
యానిమల్ తర్వాత బాబీ డియోల్ విలన్ గా నటించిన రెండో చిత్రం సూర్య నటించిన కంగువ . శివ దర్శకత్వంలో హిస్టారిక్ పీరియాడిక్ ఫాంటసీ మూవీగా తెరకెక్కింది. బాబీ డియోల్ ఈ మూవీలో కరుడు కట్టిన విలన్. ఇంకా.. తమిళ సూపర్ స్టార్ విజయ్ 69 వ చిత్రంలో కూడా బాబీ డియోల్ విలన్ గా నటించబోతున్నాడు.
ఇక తెలుగు విషయానికొస్తే .. బాబీ డియోల్ పవర్ స్టార్ పవన్ కళ్యాణ్ “హరి హర వీరమల్లు” , నటసింహం నందమూరి బాలకృష్ణ “NBK109” వంటి అనేక ప్రాజెక్ట్‌లు ఉన్నాయి. ఈ రెండు చిత్రాలలో బాబీ విలన్ పాత్ర పోషిస్తున్నాడు. మొత్తం మీద బాడీ డియోల్ .. సౌత్ ఇండస్ట్రీలో విలన్ బాగా బిజీ అయిపో యాడన్నమాట.
