Kannappa movie : మంచు విష్ణు ప్రధాన పాత్రలో తెరకెక్కిన ప్రెస్టీజియస్ మూవీ ‘కన్నప్ప’. పాన్ ఇండియా స్థాయిలో ఈ సినిమా రిలీజ్ కు ముస్తా బవుతోంది. ఇప్పటికే షూటింగ్ పూర్తి చేసుకున్న ఈ సినిమా, భారీ బడ్జెట్‌తో రూపొందించబడింది. బాలీవుడ్ దర్శకుడు ముఖేష్ కుమార్ సింగ్ ఈ చిత్రాన్ని డైరెక్ట్ చేస్తుండగా, ప్రతిష్టాత్మకమైన తారాగణం ఈ సినిమాకి ఆకర్షణగా నిలుస్తోంది.
కన్నప్ప మూవీ నుండి ఇప్పటివరకు విడుదలైన పోస్టర్లు, టీజర్లకు ప్రేక్షకుల నుంచి అద్భుతమైన స్పందన లభించింది. ఈ ప్రాజెక్ట్ ప్రమోషన్లను మరింత ఉత్సాహంగా ప్రారంభించేందుకు, మంచు విష్ణు టీమ్ కీలక నిర్ణయం తీసుకుంది. ఈ సందర్భంగా ‘కన్నప్ప’ టీమ్ తాజగా ద్వాదశ జ్యోతిర్లింగాల యాత్రను ప్రారంభించింది. మొదటగా, వారు ఉత్తరాఖండ్‌లోని కేదార్‌నాథ్ పుణ్యక్షేత్రానికి చేరుకుని శివుని ఆశీస్సులను పొందారు. సినిమా విజయాన్ని శివుని ఆశీర్వాదంగా భావిస్తూ, ఈ యాత్రను ప్రారంభించినట్లు మంచు విష్ణు స్వయంగా తన సోషల్ మీడియా ద్వారా పంచుకున్నారు.
ఈ యాత్రలో మంచు విష్ణు తండ్రి, ప్రముఖ నటుడు డా. మోహన్ బాబు కూడా పాల్గొనడం విశేషం. మోహన్ బాబు తన కుమారుడి ప్రాజెక్ట్ విజయాన్ని కోరుకుంటూ, తన సపోర్ట్‌గా ఈ యాత్రలో పాల్గొన్నారు. తండ్రి, కుమారుల బంధం ఇందులో పునఃసృష్టం అయింది, మరియు వారి మధ్య ఉన్న అనురాగం ‘కన్నప్ప’ చిత్ర విజయానికి ఎంతో ప్రేరణనిచ్చినట్లయింది. మొత్తానికి, ‘కన్నప్ప’ సినిమా మంచు విష్ణు కెరీర్‌లో మరో కీలక మైలురాయిగా నిలుస్తుందని మేకర్స్ భావిస్తున్నారు.
