Pushpa 2 movie : తెలుగు సినీ ప్రేమికులందరూ ఎంతగానో ఎదురుచూస్తున్న చిత్రం ‘పుష్ప 2’. ఐకాన్ స్టార్ అల్లు అర్జున్ హీరోగా, బ్రిలియంట్ డైరెక్టర్ సుకుమార్ దర్శకత్వంలో రూపొందుతున్న ఈ చిత్రం.. మునుపటి భాగం ‘పుష్ప: ది రైజ్’ సాధించిన ఘన విజయానికి ఏమాత్రం తీసిపోకుండా.. అంతకు మించి అనే స్థాయిలోనే నిలుస్తుందని అంచనాలు వ్యక్తమవుతున్నాయి. ఈ చిత్రం దేశవ్యాప్తంగా సంచలనం సృష్టించి, అల్లు అర్జున్‌ను పాన్ ఇండియా స్టార్‌గా మార్చింది. తన అద్భుతమైన నటనతో ప్రేక్షకులను అలరించిన అల్లు అర్జున్, ‘పుష్ప 2’లో మరోసారి తన నటనతో అందరినీ ఆశ్చర్యపరచడానికి సిద్ధమవుతున్నాడు.
నిజానికి ప్రారంభంలో డిసెంబర్ 6న విడుదల చేయాలని నిర్ణయించిన ‘పుష్ప 2’ చిత్రాన్ని ఒక రోజు ముందుగానే డిసెంబర్ 5న విడుదల చేయాలని నిర్ణయించారు మేకర్స్ . ఈ విషయాన్ని నిర్మాతలు, డిస్ట్రిబ్యూటర్స్ కలిసి ఒక గ్రాండ్ మీడియా మీట్ ఏర్పాటు చేసి మరీ వెల్లడించారు. దాంతో అభిమానులు ఉత్సాహంగా ఉన్నారు. ‘పుష్ప 2’ చిత్రం ఇప్పటికే భారీ స్థాయిలో ప్రీ రిలీజ్ బిజినెస్ చేసింది. చిత్రంపై ఉన్న అంచనాలను బట్టి చూస్తే, ఈ చిత్రం బాక్సాఫీస్ వద్ద కొత్త రికార్డులు సృష్టించే అవకాశం ఉంది. దర్శకుడు సుకుమార్ తనదైన కథన శైలితో ప్రేక్షకులను ఎంతగానో అలరిస్తారని నమ్మకంగా ఉన్నారు ఫ్యాన్స్ . ‘పుష్ప: ది రైజ్’ చిత్రంతో ఆయన సాధించిన విజయం, ‘పుష్ప 2’పై మరింత ఆసక్తిని రేకెత్తిస్తోంది. ‘పుష్ప 2’ చిత్రం తెలుగు సినిమా ప్రతిష్టను మరింత పెంచుతుందని భావిస్తున్నారు.
