Amaran trailer : లోక నాయకుడు కమల్ హాసన్ నిర్మాణంలో రాజ్ కుమార్ పెరియస్వామి దర్శకత్వం వహించిన “అమరన్” సినిమా తెలుగు ప్రేక్షకులను ఆకట్టుకోవడానికి సిద్ధంగా ఉంది. శివ కార్తికేయన్, సాయి పల్లవి ప్రధాన పాత్రల్లో నటించిన ఈ చిత్రం, ఇండియాస్ మోస్ట్ అనే పుస్తకంలోని మేజర్ వరదరాజన్ కథ ఆధారంగా రూపొందింది. దీపావళి కానుకగా అక్టోబర్ 31న తమిళ్ తో పాటు తెలుగులోనూ ఈ సినిమా విడుదల కాబోతోంది. ఈ నేపథ్యంలో అమరన్ ట్రైలర్ విడుదల చేశారు మేకర్స్. దీనికి మంచి రెస్పాన్స్ వస్తోంది.
అమరన్ సినిమా మేజర్ ముకుంద్ వరదరాజన్ అనే ఆర్మీ అధికారి జీవితం ఆధారంగా సాగుతుంది. తన కుటుంబం మరియు దేశం పట్ల అతని అంకితభావం, అతని భార్య ఇందు రెబెకా వర్గీస్‌తో ఉన్న ప్రేమ సంబంధం, మరియు ఆర్మీలో అతను ఎదుర్కొన్న సవాళ్లు ఈ చిత్రంలో ప్రధాన అంశాలు. శివ కార్తికేయన్ తన పాత్రలో పూర్తిగా ఇమిడిపోయి, మేజర్ వరదరాజన్ పాత్రకు పూర్తి న్యాయం చేశాడు. సాయి పల్లవి కూడా తన అద్భుతమైన నటనతో ప్రేక్షకులను కట్టిపడేసింది.
ట్రైలర్ చూసిన వారిలో దేశభక్తిని రేకెత్తిస్తూ, కళ్ళలో నీరు తేలుస్తూ చేస్తుంది. శివ కార్తికేయన్ , సాయి పల్లవి మధ్య కెమిస్ట్రీ అద్భుతంగా ఉంది. ఆర్మీ లైఫ్‌లోని కష్టాలు, సంతోషాలు, మరియు దేశం కోసం పోరాడాలనే తపన ట్రైలర్‌లో స్పష్టంగా కనిపిస్తుంది. జీవీ ప్రకాష్ కుమార్ అందించిన బ్యాక్‌గ్రౌండ్ స్కోర్ సినిమాకు మరింత బలం చేకూర్చుతుంది.
