Hit 3 movie : నేచురల్ స్టార్ నాని నటిస్తున్న లేటెస్ట్ మూవీ ‘హిట్-3’. ఈ చిత్రం ప్రేక్షకుల్లో ఆసక్తిని రేకెత్తిస్తోంది. దర్శకుడు శైలేష్ కొలను తెరకెక్కిస్తున్న ఈ చిత్రం పూర్తి క్రైమ్ థ్రిల్లర్‌గా రూపొందుతోంది. హిట్ సిరీస్ లో తొలి రెండు భాగాలు సూపర్ హిట్స్ అవడంతో ఇప్పుడు మూడో చిత్రంపై భారీ అంచనాలున్నాయి. అంతేకాదు హీరో నానీ అవడంతో ఈ మూవీపై మరింతగా హైపు క్రియేట్ అయింది.
ఈ చిత్రంలో కన్నడ బ్యూటీ శ్రీనిధి శెట్టి నానికి జోడీగా నటిస్తోంది. ఆమె పాత్ర పేరు మృదుల అని చిత్ర యూనిట్ తాజాగా ప్రకటించింది. శ్రీనిధి పుట్టినరోజు సందర్భంగా ఆమె పాత్రకు సంబంధించిన ఓ అందమైన పోస్టర్‌ను రిలీజ్ చేసింది.
నాని ఈ చిత్రంలో అర్జున్ సర్కార్ అనే పాత్రలో కనిపించనున్నారు.
ఇప్పటికే విడుదలైన పోస్టర్లు, టీజర్‌లు ఆయన పాత్రకు సంబంధించి ఎన్నో అంచనాలను రేకెత్తిస్తున్నాయి. ప్రముఖ సంగీత దర్శకుడు మిక్కీ జే మేయర్ ఈ చిత్రానికి సంగీతం అందిస్తున్నారు. ఆయన సంగీతం ఈ చిత్రానికి మరో ఆకర్షణగా నిలుస్తుందని అంచనా. ‘హిట్-3’ చిత్రం 2025 మే 1న ప్రేక్షకుల ముందుకు రానుంది.
