Coolie movie : కోలీవుడ్ లో ప్రస్తుతం ఎంతగానో ఆసక్తిని రేకెత్తిస్తున్న చిత్రం ‘కూలీ’. సూపర్ స్టార్ రజనీకాంత్ హీరోగా, డైరెక్టర్ లోకేశ్ కనగరాజ్ దర్శకత్వంలో రూపొందుతున్న ఈ సినిమాను, సన్ పిక్చర్స్ బ్యానర్‌పై కళానిధి మారన్ నిర్మిస్తున్నారు. ఈ చిత్రంలో నాగార్జున, ఉపేంద్ర, శ్రుతిహాసన్ వంటి స్టార్‌లు కీలక పాత్రలు పోషిస్తున్నారు.
‘కూలీ’ చిత్రం కొత్త షెడ్యూల్‌ చెన్నైలో ప్రత్యేకంగా నిర్మించిన భారీ సెట్‌లో ప్రారంభమైంది. శస్త్రచికిత్స తర్వాత కొంత విశ్రాంతి తీసుకున్న రజనీకాంత్.. ఈ షెడ్యూల్‌తో సెట్‌కు తిరిగి వస్తున్నారు. ఈ షెడ్యూల్‌లో రజనీకాంత్‌తో పాటు మిగతా ప్రధాన తారాగణంపై యాక్షన్ సీక్వెన్స్‌లు చిత్రీకరించనున్నాయి.
‘కూలీ’ చిత్రం బంగారం స్మగ్లింగ్‌ అంశాన్ని కేంద్రంగా చేసుకుని తెరకెక్కుతున్నట్లు తెలుస్తోంది. ఈ చిత్రంలో బాలీవుడ్ స్టార్ ఆమిర్ ఖాన్‌ అతిథి పాత్రలో కనిపించనున్నారనే వార్తలు వినిపిస్తున్నాయి. మరి కూలీ చిత్రం రజనీకాంత్ కు ఏ రేంజ్ లో పేరు తెస్తుందో చూడాలి.
