Rajasaab : రెబల్ స్టార్ ప్రభాస్ సినిమాలంటే అభిమానులకు ఎంత క్రేజో ప్రత్యేకించి చెప్పనక్కర్లేదు. లేటెస్ట్ మూవీ ‘రాజాసాబ్‌’ అతడికి ఓ ప్రత్యేకమైన సినిమా కాబోతోంది. ఎందుకంటే ఈ సినిమాలో ప్రభాస్ చాలా వెరైటీ గెటప్ లో కనిపించబోతున్నాడు. సాధారణంగా యాక్షన్‌ హీరోగా మనకు పరిచయమైన ప్రభాస్ ఇప్పుడు రొమాంటిక్‌ హారర్‌ జానర్‌లో నటిస్తున్నారు. ఇది ఆయన కెరీర్‌లో తొలిసారి. ఈ కొత్త అవతారంలో ప్రభాస్ ఎలా ఉంటాడో అనే ఆసక్తి ప్రేక్షకుల్లో ఉంది.
‘రాజాసాబ్‌’ సినిమాలో ప్రభాస్ లుక్‌ చాలా కొత్తగా ఉంటుందని చిత్రబృందం చెబుతోంది. అంతేకాకుండా కథ కూడా చాలా విభిన్నంగా ఉంటుందని తెలుస్తోంది. ఈ సినిమాలో నిధి అగర్వాల్‌, మాళవిక మోహనన్‌ కథానాయికలుగా నటిస్తున్నారు. ఈ నెల 23న ప్రభాస్ పుట్టినరోజు సందర్భంగా ఈ సినిమాకు సంబంధించిన ఓ కీలక అప్‌డేట్‌ని చిత్రబృందం విడుదల చేయనుంది.
ఈ సినిమాకు తమన్‌ సంగీతం అందిస్తున్నారు. తమన్‌ ఇంతకుముందు ప్రభాస్‌తో కలిసి పనిచేసి సూపర్‌హిట్‌ సాంగ్స్‌ ఇచ్చారు. ‘రాజాసాబ్‌’ సినిమాకు కూడా ఆయన అద్భుతమైన సంగీతాన్ని అందించే అవకాశం ఉంది.’రాజాసాబ్‌’ సినిమాను భారీ బడ్జెట్‌తో నిర్మిస్తున్నారు. ఈ సినిమా పాన్‌ ఇండియా స్థాయిలో విడుదల చేయాలని చిత్రబృందం ప్లాన్‌ చేస్తోంది. ఈ సినిమా 2025 ఏప్రిల్‌ 10న విడుదల కానుంది.
