VD 12 : విజయ్ దేవరకొండ కెరీర్ లోని 12వ చిత్రం షూటింగ్ తుది దశకు చేరుకుంది. గౌతమ్ తిన్ననూరి దర్శకత్వంలో రూపొందుతున్న ఈ చిత్రాన్ని సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. భాగ్యశ్రీ బోర్సే ఈ చిత్రంలో హీరోయిన్‌గా నటిస్తున్నారు. తాజాగా ఈ చిత్రం షూటింగ్ కేరళలోని అందమైన ప్రాంతాల్లో జరిగింది. దాదాపు నెల రోజుల పాటు సాగిన ఈ షెడ్యూల్‌లో భాగంగా కొన్ని భారీ యాక్షన్ సీక్వెన్స్‌లు మరియు కీలక సన్నివేశాలను చిత్రీకరించారు. ఈ షెడ్యూల్ పూర్తవడంతో దాదాపు 90 శాతం కంటే ఎక్కువ చిత్రీకరణ పూర్తయిందని తెలుస్తోంది.
తదుపరి షెడ్యూల్‌ను హైదరాబాద్, విశాఖపట్నంలలో నిర్వహించాలని ప్లాన్ చేస్తున్నారు. ఈ షెడ్యూల్‌ను వచ్చే నెలలో ప్రారంభించేందుకు చిత్ర యూనిట్ సన్నాహాలు చేస్తుంది. ఈ సినిమా ఒక స్పై యాక్షన్ థ్రిల్లర్‌గా రూపొందుతుంది. విజయ్ దేవరకొండ ఈ చిత్రంలో శక్తిమంతమైన పోలీస్ ఆఫీసర్ పాత్రలో కనిపించనున్నారు. అనిరుధ్ రవిచందర్ ఈ చిత్రానికి సంగీతం అందిస్తున్నారు. ఈ చిత్రాన్ని వచ్చే ఏడాది ప్రేక్షకుల ముందుకు తీసుకురానున్నారు.
