సాయి ధన్సిక, సంతోష్ ప్రతాప్, వివేక్ రాజగోపాల్ వంటి ప్రముఖ నటులు కీలక పాత్రలు పోషించిన థ్రిల్లింగ్ వెబ్ సిరీస్ ‘ఐందామ్ వేదం’. అభిరామి మీడియా వర్క్స్ బ్యానర్‌పై, అభిరామి రామనాథన్, నల్లమై రామనాథన్ నిర్మించిన ఈ వెబ్ సిరీస్ ను ఎల్. నాగరాజన్ తెరకెక్కించారు. అక్టోబర్ 25 నుంచి జీ5 ఓటీటీలో ఈ సిరీస్ స్ట్రీమింగ్ కాబోతోంది.
ఐందామ్ వేదం అనే పేరుతోనే కథ ఆసక్తిని రేకెత్తిస్తుంది. వేదాలంటే మనకు తెలిసినవి నాలుగు వేదాలే. అయితే, ఈ సిరీస్‌లో ఐదో వేదం అంటూ ఒక రహస్యం దాగి ఉంది. ట్రైలర్‌లో వెయ్యేళ్లకు ఒకసారి జరిగే గ్రహణం గురించి, అద్భుతమైన సంఘటనలు జరిగే అవకాశం గురించి ప్రస్తావించారు. ఈ ఐదో వేదం అంటే ఏమిటి? ఈ గ్రహణానికి, ఈ వేదానికి ఏమి సంబంధం? అనే ప్రశ్నలకు సమాధానాలు ఈ సిరీస్‌లో దొరుకుతాయని అంచనా. తాజాగా విడుదలైన ట్రైలర్ ఆకట్టుకుంటోంది.
మక్కల్ సెల్వన్ విజయ్ సేతుపతి చేతుల మీదుగా విడుదలైన ఈ ట్రైలర్‌లో ఎన్నో అంతు చిక్కని రహస్యాలు దాగి ఉన్నాయి. మర్డర్, మిస్టరీ, థ్రిల్లర్, సోషియల్ ఫాంటసీ ఇలా అన్ని రకాల అంశాలను కలిపి ఈ సిరీస్‌ను తెరకెక్కించినట్లు తెలుస్తోంది.
