Jai Hanuman : ప్రశాంత్ వర్మ దర్శకత్వంలో వచ్చిన ‘హనుమన్‌’ సినిమా భారీ విజయం సాధించిన సంగతి తెలిసిందే. ఈ సినిమా సీక్వెల్‌గా ప్రకటించిన ‘జై హనుమన్‌’ చిత్రంపై భారీ అంచనాలు నెలకొన్నాయి. ఈ సినిమాలో అతి ముఖ్యమైన పాత్రలో ఎవరు నటిస్తారనే చర్చ జరుగుతూనే ఉంది. ప్రశాంత్ వర్మ మెగాస్టార్ చిరంజీవిని ఈ పాత్రకు బెస్ట్‌ ఫిట్‌గా భావించినట్లు వార్తలు వచ్చాయి. అయితే చిరు బిజీగా ఉండటంతో ఈ సినిమాలో నటించలేకపోతున్నారు.
తాజాగా జై హనుమన్‌ సినిమాకు హీరో ఎవరో ప్రశాంత్ వర్మ కన్ఫర్మ్ చేసినట్లు తెలుస్తోంది. తాజా సమాచారం ప్రకారం ‘కాంతార’ స్టార్ రిషబ్ శెట్టి ఆ లీడ్ రోల్ లో నటించబోతున్నట్లు సమాచారం. రిషబ్ శెట్టి నటించిన ‘కాంతార’ సినిమా భారీ విజయం సాధించింది. రిషబ్‌కు ఈ సినిమా కోసం నేషనల్ అవార్డ్ కూడా వచ్చింది.
రిషబ్ శెట్టి ‘జై హనుమన్‌’ లో నటిస్తే ఈ సినిమాపై అంచనాలు మరింత పెరుగుతాయి. కానీ ఇప్పటివరకు అధికారిక ప్రకటన రాలేదు. అయితే జై హనుమన్‌లో రిషబ్ శెట్టి నటిస్తే అది ప్రేక్షకులకు పండగే. ప్రశాంత్ వర్మ మోక్షజ్ఞ డెబ్యూ సినిమాతో బిజీగా ఉండగా, రిషబ్ శెట్టి ‘కాంతార’ చాప్టర్ 1తో బిజీగా ఉన్నారు. జై హనుమన్‌ 2025 ద్వితీయార్ధంలో ప్రారంభం కావచ్చు.
