ఎస్.ఎస్. సైదులు హీరోగా, భ్రమరాంబిక, అర్పిత లోహి హీరోయిన్లుగా నటించిన చిత్రం 1980’s లో ‘రాధే కృష్ణ’. ఎస్.వి. క్రియేషన్స్ బ్యానర్‌పై వూడుగు సుధాకర్ నిర్మాణంలో, ఇస్మాయిల్ షేక్ దర్శకత్వంలో ఈ సినిమా తెరకెక్కింది. ఈ సినిమా తెలుగు, బంజారా భాషల్లో ఈ నెల 18న ప్రేక్షకుల ముందుకు రానుంది. ఈ చిత్రానికి ఎం.ఎల్. రాజా సంగీతం అందించారు. ఈ చిత్రం 80ల నేపథ్యంలో సాగుతుంది. గ్రామీణ నేపథ్యంలో సాగే ఈ కథలో ఒక అందమైన ప్రేమ జంట కులాల మధ్య ఉన్న విభేదాల వల్ల ఎలాంటి ఇబ్బందులు ఎదుర్కొంటుందనే అంశాన్ని కేంద్రంగా చేసుకుని తెరకెక్కింది. ప్రతి మనిషిలో ఉన్న కుల వివక్షను ఎలా తొలగించాలనే సందేశాన్ని ఈ చిత్రం అందించబోతోంది.
ఇప్పటికే విడుదలైన టీజర్, ట్రైలర్, పాటలు ప్రేక్షకులను బాగా ఆకట్టుకోవడంతో ఈ చిత్రంపై భారీ అంచనాలు నెలకొన్నాయి. గతంలో గ్రామీణ నేపథ్యంలో వచ్చిన సినిమాలను ప్రేక్షకులు ఎంతగా ఆదరించారో ఈ చిత్రాన్ని కూడా అంతే స్థాయిలో ఆదరిస్తారని నిర్మాతలు మరియు దర్శకులు ఆశిస్తున్నారు.
