ప్రఖ్యాత గాయకుడు అర్మాన్ మాలిక్ నవంబర్ 9, 2024న వైజాగ్‌లో లైవ్ పెర్ఫార్మెన్స్ ఇవ్వబోతున్నారు. తన మధురమైన స్వరంతో చార్ట్‌టాపింగ్ హిట్స్ తో ప్రసిద్ధి చెందిన అర్మాన్ మాలిక్, తన అద్భుతమైన సంగీతంతో ఆ రోజు తన అభిమానులను మంత్రముగ్ధులను చేయడానికి సిద్ధంగా ఉన్నారు.
వైజాగ్ అర్మాన్ తల్లి స్వస్థలం కావడంతో ఈ కచేరికి ఆయన హృదయంలో ప్రత్యేక స్థానం ఉంది. రాబోయే ప్రదర్శన గురించి ఆర్మాన్ మాట్లాడుతూ, “ఇది నా తల్లికి అత్యంత ప్రియమైన నగరం. వైజాగ్‌లో నా మొదటి సందర్శన. నా కుటుంబం, నా హృదయానికి ఎంతో దగ్గరగా ఉన్న ప్రదేశంలో ప్రదర్శన ఇవ్వడం ఆశీర్వాదంగా అనిపిస్తోంది. వైజాగ్ ప్రేక్షకుల ప్రేమ, ఆశీస్సులు నాకు సంపూర్ణంగా కలగాలని నేను ఎంతగానో ఆశిస్తున్నాను.” అని ఆర్మాన్ అన్నారు.
బోల్ డో నా జారా, బుట్టా బొమ్మ, కంట్రోల్ వంటి కొన్ని గొప్ప హిట్స్ తో పాటు తన రీసెంట్ రిలీజెస్ తో ఇచ్చే ఈ ప్రత్యేక ప్రదర్శనని ఫ్యాన్స్ తనివితీరా ఆస్వాదించవచ్చు.
ఎలెవెన్ పాయింట్ టు ఆధ్వర్యంలో జరిగే ఈ కచేరి ఓ మ్యూజిక్ సెలబ్రేషన్ కాబోతోంది. ఆ ప్రాంతమంతా అభిమానులను ఆకర్షించే అవకాశం ఉంది. అత్యాధునిక నిర్మాణం, లైటింగ్ అండ్ సౌండ్‌తో ఈ ఈవెంట్ ఆంధ్రప్రదేశ్‌లోని అత్యంత ఉత్సాహభరితమైన వైజాగ్ నగరానికే ప్రపంచ స్థాయి కచేరి అనుభవాన్ని అందిస్తుంది.
ఈ ఈవెంట్‌కు టికెట్లు ప్రస్తుతం పేటిఎం ఇన్‌సైడర్‌లో అందుబాటులో ఉన్నాయి. టికెట్స్ వేగంగా అమ్ముడవుతాయని భావిస్తున్నారు, కాబట్టి అభిమానులు ముందుగా బుక్ చేసుకోవాలని సూచించారు.
