Sarva 38 : యూత్ స్టార్ శర్వానంద్ నటించనున్న ‘శర్వా 38’ సినిమా కోసం భారీ స్థాయిలో సన్నాహాలు జరుగు తున్నాయి. సంపత్ నంది దర్శకత్వం వహిస్తున్న ఈ చిత్రాన్ని కేకే రాధామోహన్ నిర్మిస్తున్నారు. ఈ సినిమా కోసం హైదరాబాద్‌ సమీపంలో 15 ఎకరాల్లో భారీ సెట్‌ను నిర్మిస్తున్నారు. ప్రముఖ ఆర్ట్ డైరెక్టర్ కిరణ్ కుమార్ మన్నె ఆధ్వర్యంలో ఈ సెట్‌ను రూపొందిస్తున్నారు. 60ల కాలం నాటి నేపథ్యంలో ఈ సినిమా తెరకెక్కుతుండడంతో ఆ కాలానికి చెందిన గ్రామీణ ప్రాంతాలను ఈ సెట్‌లో పునర్నిర్మించనున్నారు.
ఈ సినిమాలో శర్వానంద్ మునుపెన్నడూ పోషించని విభిన్నమైన పాత్రలో కనిపించనున్నారు. భారీ సెట్‌, 60ల కాలం నేపథ్యం, శర్వానంద్ కొత్త అవతారం వంటి అంశాలతో ‘శర్వా 38’ సినిమాపై అంచనాలు పెరుగుతున్నాయి. ఈ సినిమా తెలుగు సినీ ప్రేక్షకులను అలరించడానికి సిద్ధంగా ఉందని చిత్రబృందం చెబుతోంది.
