Venky – Anli combo : ‘ఎఫ్ 2’, ‘ఎఫ్ 3’ చిత్రాలతో ప్రేక్షకులను అలరించిన వెంకటేశ్ అండ్ అనిల్ రావిపూడి మరోసారి కొలాబరేట్ అవుతున్నారు. ఈ కొత్త చిత్రం ప్రస్తుతం హైదరాబాద్ లో షూటింగ్ జరుపుకుంటోంది. ఈసారి వెంకీ అండ్ అనిల్ కాంబో క్రైమ్ డ్రామా జానర్ లో అదిరిపోయే కథతో ప్రేక్షకుల ముందుకు రాబోతున్నారు. ఈ చిత్రంలో వెంకటేశ్ సరసన మీనాక్షి చౌదరి మరియు ఐశ్వర్య రాజేశ్ నటిస్తున్నారు.
నిజానికి ఈ సినిమా సంక్రాంతికి విడుదల అవుతుందని ప్రకటించారు. కానీ, ఇంకా అధికారిక ప్రకటన రాలేదు. చిత్రీకరణ వేగంగా సాగుతున్నప్పటికీ, విడుదల తేదీపై ఇంకా స్పష్టత రాలేదు. దీపావళి పండగకు ముందు ఈ చిత్రం ఫస్ట్ లుక్ విడుదల చేయాలని చిత్ర యూనిట్ భావిస్తోంది. ఈ సందర్భంగా చిత్రం పేరు , విడుదల తేదీ గురించి కూడా అధికారిక ప్రకటన రావచ్చు.
ఈ చిత్రానికి సంగీతం భీమ్స్ సిసిరోలియో అందిస్తున్నారు. సమీర్ రెడ్డి ఈ చిత్రానికి ఛాయాగ్రహకుడు. శ్రీ వెంకటేశ్వర క్రియేషన్స్ బ్యానర్ పై శిరీష్ నిర్మిస్తున్న ఈ చిత్రాన్ని దిల్ రాజు సమర్పిస్తున్నారు. ఈ సినిమాకోసం ‘సంక్రాంతికి వస్తున్నాం’ అనే టైటిల్ ప్రచారంలో ఉంది. మరి నిజంగా ఈ టైటిలే ఖాయం చేస్తారేమో చూడాలి.
