Kollywood : తమిళ స్టార్ హీరో ధనుష్ నాలుగో దర్శకత్వ ప్రాజెక్టుగా తెరకెక్కుతున్న చిత్రం ‘ఇడ్లీ కడై’. ఈ సినిమాలో ధనుష్, నిత్యా మేనన్‌ల జంట మళ్లీ కలుసుకుంటున్నట్లు ప్రకటించారు. ఆదివారం, అక్టోబర్‌ 13న నిత్యా మేనన్‌ తన సోషల్‌ మీడియాలో ఈ విషయాన్ని వెల్లడించారు. ధనుష్, నిత్యా మేనన్‌లు టీ కప్పులు పట్టుకొని సెల్ఫీ తీసుకుంటున్న ఫోటోను షేర్‌ చేస్తూ, “న్యూ అనౌన్స్ మెంట్ ఇడ్లీ కడై .” అంటూ క్యాప్షన్‌ ఇచ్చారు. ఈ పోస్ట్‌కు అభిమానులు సంతోషం వ్యక్తం చేస్తూ, ‘తిరు, శోభనా మళ్లీ కలిశారు’ అంటూ కామెంట్లు చేశారు.
ధనుష్, నిత్యా మేనన్‌ల జంట ఇంతకు ముందు ‘తిరుచిత్రంబళం’ సినిమాలో కలిసి నటించారు. ఈ సినిమాలో రాశి ఖన్నా కీలక పాత్ర పోషించారు. ఈ సినిమాలో నటనకు నిత్యా మేనన్‌ జాతీయ పురస్కారం అందుకున్నారు. మరి ‘ఇడ్లీ కడై’ చిత్రం ఏ స్థాయిలో ఈ ఇద్దరికీ పేరు తెస్తుందో చూడాలి.
