Eeswar Rerelease : రెబల్ స్టార్ ప్రభాస్ కెరీర్‌కు గట్టి పునాదులు వేసిన తొలి చిత్రం ‘ఈశ్వర్’. దాదాపు 22 ఏళ్ళ తర్వాత ఇప్పుడు మళ్లీ ఈ చిత్రం సరికొత్త అవతారంలో ప్రేక్షకుల ముందుకు రానుంది. ప్రభాస్ పుట్టిన రోజు సందర్భంగా ఈ నెల 23న లక్ష్మీ నరసింహ మూవీస్‌ సంస్థ ఈశ్వర్ చిత్రాన్ని 4కే హంగులతో రీరిలీజ్ చేయనుంది.
జయంత్‌ సి.పరాన్జీ దర్శకత్వంలో, కె.అశోక్‌ కుమార్‌ నిర్మాతగా వ్యవహరించిన ఈ చిత్రంలో ప్రభాస్ సరసన శ్రీదేవి విజయ్‌ కుమార్‌ నటించారు. ఈ చిత్రం అప్పట్లో మంచి విజయాన్ని సాధించింది. ప్రభాస్‌కు మంచి పేరు తెచ్చిపెట్టింది. ఇప్పుడు ఈ చిత్రాన్ని తాజా సాంకేతిక పరిజ్ఞానంతో మరోసారి ప్రేక్షకుల ముందుకు తీసుకురానుండడం విశేషంగా మారింది.
ఈ చిత్రం రీరిలీజ్‌కు సంబంధించిన ట్రైలర్‌ను శనివారం విడుదల చేశారు. ట్రైలర్‌లో ప్రభాస్ వింటేజ్ లుక్ కు, అతని నటనకు అభిమానులు ఖుషీ అవుతున్నారు. మరి ఇప్పుడు పాన్ ఇండియా రేంజ్ లో నెంబర్ వన్ పొజీషన్ లో ఉన్న ప్రభాస్ పై ‘ఈశ్వర్’ రీరిలీజ్ ఎలాంటి ప్రభావం చూపిస్తుందో చూడాలి.
