Hero Nani : నేచురల్ స్టార్ నాని తన వరుస విజయాలతో అభిమానులను అలరిస్తున్నారు. రీసెంట్ గా ‘సరిపోదా శనివారం’ సినిమాతో బాక్సాఫీస్‌ వద్ద దుమ్మురేపిన నాని, తన కెరీర్‌లో మరో మైలురాయిని చేరుకున్నారు. ప్రస్తుతం ‘హిట్-3’ చిత్ర షూటింగ్‌లో బిజీగా ఉన్న నాని, దీంతో పాటు తన తదుపరి చిత్రాన్ని కూడా ప్రారంభించారు.
‘దసరా’ సినిమాతో ప్రేక్షకులను అలరించిన దర్శకుడు శ్రీకాంత్ ఓదెలతో కలిసి నాని మరోసారి చేతులు కలిపారు. ఈ కాంబినేషన్‌లో రెండో చిత్రం దసరా పర్వదినాన్ని పురస్కరించుకుని ప్రారంభమైంది. ఈ సినిమా అత్యంత భారీ బడ్జెట్‌తో తెరకెక్కనున్నట్లు తెలుస్తోంది. ‘దసరా’ సినిమాలో నాని ఊరమాస్ అవతారంలో కనిపించి ప్రేక్షకులను అలరించారు.
ఇప్పుడు ఈ కొత్త సినిమాలో కూడా నాని మరోసారి ఊరమాస్ రోల్‌లో కనిపించే అవకాశం ఉందని సమాచారం. ఈ చిత్రాన్ని ఎస్‌ఎల్‌వి సినిమాస్ బ్యానర్‌పై చెరుకూరి సుధాకర్ నిర్మిస్తున్నారు. ఈ సినిమాకు సంబంధించిన మరింత వివరాలు త్వరలోనే అధికారికంగా వెల్లడించనున్నారు. నాని అభిమానులు ఈ కొత్త కాంబినేషన్‌ను ఎంతగా ఆసక్తిగా ఎదురు చూస్తున్నారో చెప్పనక్కర్లేదు.
