Robinhood movie : యంగ్ హీరో నితిన్ తన కెరీర్‌లో మరో సూపర్ హిట్ కోసం ఎంతగానో ఎదురుచూస్తున్నారు. భీష్మ తర్వాత ఇంత వరకూ అతని ఖాతాలో అలాంటి మరో హిట్ పడలేదు. మళ్ళీ వెంకీ కుడుములే వచ్చి మరో నితిన్ కు మరో హిట్టు ఇవ్వాలేమో అన్నట్టుగా ఉంది పరిస్థితి. అందుకు తగ్గట్టుగానే నితిన్ వెంకీ కాంబోలో ‘రాబిన్ హుడ్’ అనే మూవీ తెరకెక్కుతోంది.
దసరా సందర్భంగా ‘రాబిన్ హుడ్’ చిత్ర బృందం విడుదల చేసిన పోస్టర్‌లో హీరో నితిన్ తన రఫ్ అండ్ మాస్ అవతార్‌లో అలరిస్తుండగా, హీరోయిన్ శ్రీలీల గ్లామరస్ లుక్‌తో కనువిందు చేస్తున్నారు. ఈ జంట కలిసి తెరపై ఎలాంటి మాజిక్ చేయబోతున్నారో అనే ఆసక్తి ప్రేక్షకుల్లో నెలకొంది. ‘రాబిన్ హుడ్’ సినిమా యాక్షన్ మరియు హీస్ట్ కామెడీ జోనర్‌లో రూపొందుతున్న విశేషం. ఈ సరికొత్త జోనర్‌లో నితిన్‌ను చూడాలనే ఆసక్తి ప్రేక్షకుల్లో ఎక్కువగా ఉంది.
ఈ సినిమా ఈ ఏడాది డిసెంబర్ 20న ప్రపంచవ్యాప్తంగా థియేటర్లలో విడుదల కానుంది. క్రిస్మస్ కానుకగా ప్రేక్షకులకు ఈ సినిమా విడుదల కానుండటం మరో ఆకర్షణ. నితిన్ మరియు శ్రీలీల మధ్య కెమిస్ట్రీ ఈ సినిమాలో ప్రత్యేకంగా నిలిచేలా ఉంటుందని చిత్ర బృందం చెబుతుంది. ఆస్ట్రేలియాలో జరిగిన షూటింగ్‌లో ఈ జంట మధ్య మంచి అనుబంధం ఏర్పడిందని తెలుస్తోంది. ప్రముఖ సంగీత దర్శకుడు జీవీ ప్రకాష్ కుమార్ ఈ సినిమాకు సంగీతం అందిస్తున్నారు. ఆయన సంగీతం యూత్‌ను అలరించడం ఖాయమని అంచనా వేస్తున్నారు.
మైత్రీ మూవీ మేకర్స్ పతాకంపై భారీ బడ్జెట్‌తో ఈ సినిమాను నిర్మిస్తున్నారు. ఈ సినిమా నితిన్ కెరీర్‌లోనే ఒక మైలురాయి అవుతుందని అభిమానులు ఆశిస్తున్నారు. బ్రహ్మాజీ, వెన్నెల కిషోర్ ఈ సినిమాలో కీలక పాత్రలు పోషిస్తున్నారు. వీరిద్దరి కామెడీ ఈ సినిమాకు మరో ఆకర్షణగా నిలవనుంది.
