Ram Pothineni : ఎనర్జిటిక్ స్టార్ రామ్ పోతినేని తన కెరీర్‌లో మరో కొత్త అధ్యాయాన్ని ప్రారంభించేందుకు సిద్ధమవుతున్నాడు. దసరా సందర్భంగా, మైత్రీ మూవీ మేకర్స్ రామ్ పోతినేని తో ఒక సినిమాని అధికారికంగా ప్రకటించడంతో అభిమానులు ఉత్సాహంతో ఉన్నారు. ఈ సినిమాను ‘మిస్ శెట్టి మిస్టర్ పోలిశెట్టి’ డైరెక్టర్ మహేశ్ బాబు దర్శకత్వం వహించనున్నారు. మహేశ్ బాబు తన గత చిత్రాలతో కామెడీ మరియు ఎమోషన్స్‌ను సమతుల్యంగా మేళవించే మంచి విజయాలను అందుకున్నారు.
ఈ సినిమాతో రామ్ పూర్తిగా ఫన్ మరియు ఎంటర్టైన్‌మెంట్‌కు ప్రాధాన్యత ఇచ్చే సినిమాతో ప్రేక్షకుల ముందుకు రాబోతున్నాడు. చాలా కాలంగా యాక్షన్ సినిమాలతో కొనసాగిన రామ్‌కు ఈ చిత్రం ఒక వెరైటీ ప్రాజెక్టుగా నిలుస్తుందట. రామ్ సరికొత్త లుక్‌లో కనిపించబోతున్నాడు. రామ్ పోతినేని కెరీర్ లో ఇది 22వ చిత్రం.
దర్శకుడు మహేశ్ బాబు రామ్‌ను మరింత స్టైలిష్‌గా చూపించేందుకు ప్రత్యేకంగా శ్రద్ధ వహించనున్నట్లు సమాచారం. ప్రొడక్షన్ పరంగా ఈ సినిమా భారీ స్థాయిలో తెరకెక్కనుంది. మైత్రీ మూవీ మేకర్స్ బిగ్ బడ్జెట్‌తో, ఈ సినిమాను గ్రాండియర్‌గా నిర్మించేందుకు అడుగులు వేస్తోంది. త్వరలోనే నటీనటుల వివరాలు కూడా వెల్లడించనున్నట్లు సమాచారం.
