Miray movie : టాలీవుడ్ లో యువ హీరోగా తనకంటూ ప్రత్యేక గుర్తింపు సంపాదించుకున్న తేజ సజ్జా, తన తాజా చిత్రం ‘మిరాయ్’తో మరోసారి ప్రేక్షకులను అలరించడానికి సిద్ధమవుతున్నాడు. ‘హనుమాన్’ సినిమాతో సూపర్ హీరోగా మంచి గుర్తింపు తెచ్చుకున్న తేజ, ‘మిరాయ్’లో మరో రుద్రమైన యోధుడిగా ప్రేక్షకుల ముందుకు రాబోతున్నాడు.
కార్తిక్ ఘట్టమనేని దర్శకత్వంలో రూపొందుతున్న ఈ చిత్రం, ఒక చారిత్రక రహస్యాన్ని బయటపెట్టే కథాంశంతో ఆకట్టుకుంటుంది. తేజ సజ్జా ఈ సినిమాలో తన పాత్రకు తగ్గట్లుగా చాలా విభిన్నమైన అవతార్‌లో కనిపించబోతున్నాడు. ఆయన కెరీర్‌లో ఇది చాలా స్పెషల్ పాత్రగా నిలిచిపోతుందని సినీ వర్గాల్లో చర్చ జరుగుతోంది. దసరా పండుగ సందర్భంగా విడుదలైన ‘మిరాయ్’ మూవీ పోస్టర్ ప్రేక్షకులను ఆశ్చర్యపరిచింది.
ఈ పోస్టర్‌లో తేజ సజ్జా సూపర్ యోధగా ఒక రుద్రమైన లుక్‌లో కనిపిస్తున్నాడు. ఆయన చుట్టూ అఘోరాలు, చేతుల్లో త్రిశూలాలు పట్టుకొని ఉన్నారు. పోస్టర్‌లో ఆయుధ పూజ చేస్తున్న సీన్ హైలైట్‌గా నిలిచింది. తేజ సజ్జా చేతిలో మంత్రం దండం పట్టుకొని, ఒక పవర్ ఫుల్ లుక్‌లో కనిపిస్తూ సినిమాకు సంబంధించిన మిస్టికల్ ఎలిమెంట్స్ పై హింట్ ఇచ్చాడు. ఈ పోస్టర్ చూస్తే సినిమా కంటెంట్ ఎంత గ్రాండ్‌గా ఉంటుందో అర్థమవుతోంది.
టీజీ విశ్వప్రసాద్ యొక్క పీపుల్ మీడియా ఫ్యాక్టరీ ఈ సినిమాను అత్యంత ప్రతిష్టాత్మకంగా నిర్మిస్తోంది. భారీ బడ్జెట్‌తో, అత్యాధునిక సాంకేతిక విలువలతో రూపొందుతున్న ఈ చిత్రం, తెలుగు సినిమా పరిశ్రమలోనే ఒక న్యూ ట్రెండ్ సెట్ చేయనున్నట్లు టాక్. పాన్ ఇండియా స్థాయిలో కూడా ప్రేక్షకులను ఆకట్టుకునేలా ఉంటుందని దర్శకుడు కార్తిక్ ఘట్టమనేని తెలిపారు. ఈ చిత్రం ఏకకాలంలో 8 భాషల్లో విడుదల అవబోతోంది. మిరాయ్ మూవీ రెండు వెర్షన్స్ 2D మరియు 3Dలో ప్రేక్షకుల ముందుకు రాబోతోంది. 2025 ఏప్రిల్ 18న ఈ చిత్రం థియేటర్లలో విడుదల కానుంది. ప్రస్తుతం బిజినెస్ పరంగా మార్కెట్ లో ఈ సినిమాపై భారీ డిమాండ్ ఉన్నట్లు సమాచారం. చిత్ర బృందం నుంచి ప్రతి అప్‌డేట్‌తో ఈ సినిమా మీద అంచనాలు మరింత పెరుగుతున్నాయి.
