Appudo Ippudo Eppudo teaser : కార్తికేయ-2 సినిమాతో పాన్ ఇండియా స్టార్‌గా మారిన నిఖిల్ ప్రస్తుతం ‘స్వయంభు, ది ఇండియా హౌస్’ వంటి చిత్రాలతో బిజీగా ఉన్నాడు. అయితే ఈ మధ్యనే సుధీర్ వర్మ దర్శకత్వంలో ఒక సినిమాను ఎలాంటి ప్రచారం లేకుండా పూర్తి చేసి, నవంబర్ 8న ప్రేక్షకుల ముందుకు రాబోతుంది. ఈ నేపథ్యంలో ఈ సినిమా టీజర్ ను వదిలారు మేకర్స్. దీనికి మంచి రెస్పాన్స్ వస్తోంది.
రేసింగ్ బ్యాక్‌డ్రాప్‌లో థ్రిల్లింగ్ రైడ్‌ను చూపించారు. నిఖిల్ ఒక స్కిల్‌ఫుల్ రేసర్‌గా పరిచయం అవుతూ, లండన్ వెళ్లి తెల్ల పిల్లను పడేసి ప్రపంచం మొత్తం తిరగాలని అనుకుంటాడు. అయితే అతని ప్రేమ జీవితం, విలన్ ఎంట్రీతో ఈ రైడ్ ఎలా మారుతుందో తెలియాలంటే సినిమా చూడాల్సిందే.
సుధీర్ వర్మ, నిఖిల్ కాంబోలో ఇప్పటికే స్వామిరారా, కేశవ వంటి విభిన్నమైన చిత్రాలు ప్రేక్షకులను అలరించాయి. ఇప్పుడు ‘అప్పుడో ఇప్పుడో ఎప్పుడో’ అనే చిత్రంతో మరోసారి ఈ కాంబో రిపీట్ అవుతుండటం సినీ ప్రేమికులకు ఆనందంగా ఉంది. కన్నడ బ్యూటీ రుక్మిణీ వసంత్ హీరోయిన్‌గా నటిస్తుండగా, దివ్యాంశ కౌశిక్ కీలక పాత్ర పోషిస్తుంది. శ్రీ వెంకటేశ్వర సినీ చిత్ర బ్యానర్‌పై ఈ చిత్రం రూపొందింది.
